img
img

மலேசிய தடகள போட்டிகள். தங்கம் வென்றார் கீர்த்தனா
புதன் 19 ஜூலை 2017 11:49:36

img

கோலாலம்பூர், மலேசிய தடகள போட்டியின் மும்முறை நீளம் தாண்டுதல் பிரிவில் களமிறங்கின ஆர். கீர்த்தனா தங்கம் வென்று அசத்தினார். 94ஆவது மலேசிய தட கள போட்டிகள் புக்கிட் ஜாலில் தேசிய விளையாட்டு அரங்கில் நடைபெற்று வருகிறது. இப்போட்டியில் மலேசியா, தாய்லாந்து, லாவோஸ், புருணை, இந்தோனேசியா, சிங்கப்பூர் உட்பட 9 நாடுகளில் இருந்து 250க்கும் மேற்பட்ட போட்டியாளர்கள் கலந்து கொண்டு வெற்றிக்காக போராடி வருகின்றனர். அடுத்த மாதம் நடைபெறவிருக்கும் சீ விளையாட்டுப் போட்டிக்கு ஆயுத்தமாகும் வகையில் இப்போட்டி நடத்தப்பட்டு வருகிறது.அதே வேளையில் இப் போட்டியில் சிறந்து விளங்கும் போட்டியாளர்களுக்கு சீ விளையாட்டுப் போட்டியில் கலந்து கொள்வதற்கும் வாய்ப்பு வழங்கப்படுகிறது. இத்தடகள போட் டியின் மும்முறை நீளம் தாண்டுதல் (டிரிபள் ஜம்ப்) பிரிவில் பேராவைச் சேர்ந்த ஆர். கீர்த்தனா கலந்து கொண்டார். இதில் சிறப்பான திறனை வெளிப்படுத்திய கீர்த்தனா 13.18 மீட்டர் நீளம் தாண்டி தங்கப்பதக்கத்தை தட்டிச் சென்றார்.இப்போட்டியில் லாவோஸைச் சேர்ந்த போக்தா வோங் 12.09 மீட்டர் நீளம் தாண்டி வெள்ளிப்பதக்கம் வென்றார். இந்தோனேசியாவைச் சேர்ந்த ரிஸ்கா நூலியான்டா 11.29 மீட்டர் நீளம் தாண்டி வெண்கலப் பதக்கத்தை தட்டிச் சென்றார். இப்போட்டியில் தங்கம் வென்ற வேளையிலும் அது குறித்து கீர்த்தனா மகிழ்ச்சியடைய முடியாத நிலையில் உள்ளார்.கடந்த மாதம் நடைபெற்ற போட் டியில் ஜி. கிசானோவ் 13.48 மீட்டர் நீளம் தாண்டி புதிய சாதனையை பதிவு செய்தார்.இச்சாதனையை முறியடிக்கும் நோக்கில் தான் கீர்த்தனா இப்போட்டி யில் களமிறங்கினார். ஆனால் அம்முயற்சி தோல்வியில் முடிந்தது தான் கீர்த்தனாவின் வருத்தத்திற்கு முக்கிய காரணமாக உள்ளது. இதனிடையே கடந்த 2012ஆம் ஆண்டு நடைபெற்ற மலேசிய திடல்தடப் போட்டியில் நூர் அமிரா 13.90 மீட்டர் நீளம் தாண்டி புதிய சாதனையை பதிவு செய்தார். இச்சாதனையை முறியடிக்கும் நோக்கிலும் கீர்த்தனா செயல்பட்டு வருகிறார் என்பதும் குறிப்பிடத்தக்கது.

பின்செல்

விளையாட்டுச் செய்திகள்

img
ஜெர்மனி கோல் காவலர் மரணம்!

வயது முதிர்வு மற்றும் உடல் நல குறைவால் தில்கோவ்ஸ்கி மரணமடைந்தார்

மேலும்
img
எப்ஏ கிண்ண கால்பந்துப் போட்டி: அர்செனல் வெற்றி!

1-0 என்ற கோல் கணக்கில் அர்செனல் அணியினர் வெற்றி

மேலும்
img
பிஃபா கிளப் உலகக் கோப்பை: லிவர்புல் சாம்பியன்

சர்வதேச கால்பந்து கூட்டமைப்பு (பிஃபா) கிளப் உலகக் கோப்பை போட்டியில்

மேலும்
img
ஆரம்பப் பள்ளிகளுக்கான கால்பந்துப் போட்டியில் கெடா வாகை சூடியது!

ஈப்போவில் நடைபெற்ற 12 வயதுக்கு உட்பட்டவர்களுக்கான கால்பந்துப் போட்டியில்

மேலும்
img
சிலாங்கூர் சாம்பியன் லீக் கால்பந்துப் போட்டியில் கோலசிலாங்கூர் பத்துடுவா அணி சாம்பியன்!

சிலாங்கூர் சாம்பியன் லீக் கால்பந்துப் போட்டியின் இறுதிச் சுற்றுக்கு

மேலும்
  • Copyright 2019.Nanban.All rights reserved.
  • powered by img