உத்தம வில்லன் படம் "திருப்பதி பிரதர்ஸுக்கு" கடும் நிதி நெருக்கடியை ஏற்படுத்தியது. மே 1 வெளியாவதாக இருந்த படம், 27 மணிநேர பேச்சுவார்த்தைக்குப் பிறகு ஒருவழியாக மே 2 மதியம் வெளியானது. இன்றுவரை படம் பிரச்சனையுடனே ஓடிக் கொண்டிருக்கிறது? நகரங்களில் படத்தின் வசூல் பரவாயில்லை. ஆனால், பி, சி சென்டர்களில் வசூல் மிகவும் குறைவாகவே உள்ளது. திருப்பதி பிரதர்ஸ் நஷ்டத்தை சந்திக்கும் என்று "நிபுணர்கள் கருத்துத் தெரிவித்துள்ளனர். இந்நிலையில், 30 கோடியில் முதல் காப்பி அடிப்படையில் திருப்பதி பிரதர்ஸுக்கு ஒரு படம் நடித்துத்தர கமல் சம்மதம் தெரிவித்துள்ளார். இந்தப் படத்தின் அனைத்து உரிமைகளையும் அவர் திருப்பதி பிரதர்ஸுக்குதர ஒப்புக் கொண்டுள்ளார். இந்தப் படம் எப்போது ஆரம்பிக்கும் என்பது போன்ற தகவல்கள் தெரியவில்லை.