கோலாலம்பூரிலிருந்து காராக் செல்லும் நெடுஞ்சாலையின் 43.9ஆவது கிலோ மீட்டரில் இரு அதிவேக மோட்டார் சைக்கிள்கள் விபத்துக்குள்ளானதில் ஒருவர் பலியானார்.காலை 10.40 மணியளவில் நிகழ்ந்த இந்த விபத்தில் டாமன்சாரா பாருவைச் சேர்ந்த முகமட் நோராஸார் மாட் ஜுமாட் (வயது 28) என்பவர் உயிரிழந்தார். சம்பந்தப்பட்ட நபர் ஓட்டிச் சென்ற கேடிஎம் ஆர்சி 250 ரக மோட்டார் சைக்கிள் கட்டுப்பாட்டை இழந்து சாலையில் விழுந்ததுடன் முன்னால் சென்ற யமாஹா ஒய்ஜெட் எப்-ஆர்1 ரக மோட்டாரை மோதியுள்ளது. முன்னால் சென்ற மோட்டார் சைக்கிளை ஓட்டிச் சென்ற முகமட் சம்சூல் ஜமில் (43) சொற்ப காயங்களுடன் உயிர் தப்பியதாக பெந்தோங் மாவட்ட போலீஸ் படைத் தலைவர் முகமட் மன்சோர் முகமட் நோர் தெரிவித்தார். இவர்கள் இருவரும் டாமன்சாராவிலிருந்து பெந்தோங்கிற்கு செல்லும் வழியில் இந்த விபத்து நிகழ்ந்துள்ளது. இந்த விபத்தில் பலியானவரின் உடல் பிரேதப் பரிசோதனைக்காக பெந்தோங் பொது மருத்துவமனைக்கு கொண்டு செல்லப்பட்டதாக அவர் சொன்னார்