கோலாலம்பூர், ஜன. 21-
வாகனமோட்டிகளின் பயன்பாட்டிற்காக தற்போது அறிமுகம் செய்யப்பட்டு வரும் வானலை அதிர்வு அடையாள (ஆர்.எஃப்.ஐ.டி.-RFID) வில்லைகளின் உண்மை விலை ஒரு வெள்ளிக்கும் குறைவாக இருக்கும் நிலையில் அதற்கு 35 வெள்ளி கட்டணம் வசூலிப்பது ஏன் என முன்னாள் பிரதமர் டத்தோஸ்ரீ நஜீப் துன் ரசாக் கேள்வி எழுப்பியுள்ளார்.
நாட்டிலுள்ள டோல் சாவடிகளில் விவேக அட்டைகள் இனியும் செயல்படாத நிலையில் அவற்றின் உரிமையாளர்களுக்கு தள்ளுபடி வழங்கப்படுமா என்றும் பிளஸ் நிறுவனத்தை அவர் தமது முகநூல் பதிவேற்றத்தில் வினவியிருக்கின்றார்.
இந்த புதிய வில்லைகள் பயன்பாட்டு முறை ஜனவரி 15 தொடக்கம் டோல் சாவடிகளில் அமலுக்கு வந்துள்ளது. எனினும், இதன் பயன்பாடு முறையாக இல்லாததன் காரணமாக கடுமையான போக்குவரத்து நெரிசலுடன் வாகனமோட்டிகளுக்கு தலைவலியையும் ஏற்படுத்தியது.
அந்த வானலை அதிர்வு அடையாள வில்லைகளை தயாரிப்பதற்கான செலவு ஒரு வெள்ளிக்கும் குறைவாக இருக்கும். பிறகு ஏன் அதை 35 வெள்ளிக்கு விற்க வேண்டும். அதை உங்களால் இலவசமாகக் கொடுக்க முடியாது என்றால் 5 வெள்ளிக்கு விலையைக் குறைக்க வேண்டியதுதானே என்று நஜீப் கருத்துக் கூறியுள்ளார்.
என்னைப் பொறுத்தவரையில் தற்போதைய டச் அண்ட் கோ மற்றும் விவேக அட்டை (ஸ்மார்ட் டேக்) இரண்டுமே நிலைநிறுத்தப்பட வேண்டும். அவைதான் வாகனமோட்டிகளின் சிறந்த தேர்வாக உள்ளன என்பதை அவர் சுட்டிக்காட்டினார்.
இஸ்லாமியர் அல்லாதவர்களுக்கு வெ.10 மில்லியன் ஒதுக்கீடு
மேலும்60ஆம் ஆண்டு மலேசிய தினக் கொண்டாட்டத்திற்காக மலேசிய மக்களின்
மேலும்ஹலால் என்ற ஒன்றைத் தேடுவது (இஸ்லாமிய சட்டத்தில் அனுமதிக்கப்பட்டது)
மேலும்மடானி லட்சியக் கனவு திட்டம் என்பது புதிதான ஒன்று அல்ல. இது இஸ்லாமிய ஆரம்ப
மேலும்மலேசியாவை மேம்படுத்துவதற்காக உருவாக்கப்பட்ட, ஆனால் நிறைவேறாமல் போன
மேலும்