கோலாலம்பூர், ஆக. 1-

2021/2022 கல்வி  ஆண்டுக்கான பவுண்டேஷன்  மற்றும் டிப்ளோமா படிப்புத்துறைக்கான மாணவர் நுழைவு  குறித்து உயர் கல்வி அமைச்சு தக்க விளக்கத்தை வெளியிட்டுள்ளது. இத்தகைய   டிப்ளோமாவிற்கான  கல்வித்திட்டம் சம்பந்தமான  கற்பித்தல் மற்றும் கற்றல்  நடவடிக்கையானது முற்றிலும்  இணையத்தளத்தின் வழியாகவே மேற்கொள்ளப்படும்.

இம்மாதம் முதல் இந்த முறை  தொடங்குகிறது. தற்போது நாடு எதிர்நோக்கியுள்ள  இக்கட்டான  நிலையினை    கருத்தில் எடுத்துக் கொண்டு இத்தகைய  அணுகுமுறை கடைப்பிடிக்கப்படுகிறது என்று அமைச்சு அறிவிக்க விரும்புகிறது. கோவிட்-19   பெருந்தொற்று பரவலை கையாளுவதிலும் தேசிய மீட்சி திட்டத்தை அரசாங்கம் வெற்றி கரமாக அமல்படுத்துவதற்கு உதவும் கடப்பாட்டினை  உயர்கல்வியமைச்சு கொண்டுள்ளது.

எனினும்  இவ்வாண்டும் அக்டோபர் மாதம் முதல் அல்லது அதன் பிறகு வரும் செமஸ்டரிலும் நேர்முக நடவடிக்கையினை மேற்கொள்வது குறித்து  பொது பல்கலைக்கழகம் பரிசீலிக்கலாம். சம்பந்தப்பட்ட  பொது  பல்கலைக்கழகமே இத்தகைய ஏற்பாட்டிற்கு ஆயத்தமாக இருக்கிறதா என்பது இதனை  பொறுத்த விஷயமாகும்.

மேலும் விவரங்கள் பெற விரும்பும் மாணவர்களும் பெற்றோர்களும் 24 மணிநேரமும்  செயல்படும் Bilik Gerakan COVID-19 KPT  உடன்  03-88706777, 6949, 6623, 6628 என்ற  எண்களில் தொடர்புக் கொள்ளலாம்.

உயர்கல்வி  நிலையத்தின் அகப்பக்கத்தில் அல்லது சம்பந்தப்பட்ட உயர்கல்வி நிலையத்தின் ஒருங்கிணைப்பு  அதிகாரியுடன் நேரடியாக தொடர்புக் கொள்ளலாம் என்றும்  உயர்கல்வி  அமைச்சு  இவர்களை கேட்டுக் கொள்கிறது.