img
img

மாணவர்களின் பதிவு குறைகிறது: தோட்டப்புறத் தமிழ்ப்பள்ளிகளுக்கு ஆபத்து?
திங்கள் 23 டிசம்பர் 2019 08:35:38

img

நாட்டிலுள்ள தமிழ்ப்பள்ளிகளில் முதலாம் ஆண்டு மாணவர்களின் எண்ணிக்கையை அதிகரிப்பதற்கு பெற்றோர் ஆசிரியர் சங்கங்களும் ஆசிரியர்களும் பல்வேறு நடவடிக்கைகளை மேற்கொண்டு வரும் அதே சமயம், 2020 இல் தமிழ்ப்பள்ளிகளின் நிலைமை என்னவாகும் என்ற அச்சம் பலரிடையே நிலவுகிறது.

குறிப்பாக, தோட்டப்புறங்களில் உள்ள தமிழ்ப்பள்ளிகளுக்கு ஆபத்து வரலாம் என்னும் அதிர்ச்சித்தகவல் வெளியாகியுள்ளது. இது குறித்து மலேசிய நண்பன் ஆய்வினை மேற்கொண்டு வருகிறது.

பேராவிலுள்ள பெரும்பாலான தோட்டப்புறப் தமிழ்ப் பள்ளிகளில் எதிர்வரும் ஆண்டிற்கான முதலாம் ஆண்டு மாணவர்கள் பதிவு திருப்தியளிக்கும் வகையில் இல்லை என தெரிய வருகிறது.

வரும் 27 ஆம் தேதி முதல் பள்ளிகளில் முதலாம் ஆண்டிற்கான மறுபதிவுகள் நடந்த பிறகே உண்மையான மாணவர் எண்ணிக்கையை அறிய முடியும் என்றாலும் இதுவரை நடந்துள்ள பதிவுகள் மிகவும் கவலையளிக்கும் நிலையிலேயே உள்ளன.

பத்தாங் பாடாங் மாவட்டத்தில் 12 தமிழ்ப்பள்ளிகள் உள்ளன. இவற்றில் 9 தோட்டப்புறப் பள்ளிகளில் முதலாம் ஆண்டு மாணவர் எண்ணிக்கை மிகவும் சரிவு கண்டுள்ளதாகத் தெரிகிறது.

கிளாப்பாபாலி தோட்டத் தமிழ்ப்பள்ளியில் இதுவரை முதலாம் ஆண்டுக்கு ஒரு மாணவர் கூட பதிவு செய்யப்படவில்லை என்பது அதிர்ச்சியூட்டும் தகவலாக இருக்கிறது.

 அருகிலுள்ள பேராங் ரிவர் மற்றும் குளுனி தோட்டத் தமிழ்ப் பள்ளிகளில் ஒரேயொரு மாணவர் மட்டுமே பதிந்துள்ளது எதிர்காலத்தில் தமிழ்ப் பள்ளிகளின் நிலை குறித்து மிகவும் சிந்திக்க வைக்கிறது.

அப்பள்ளிகளைத் தவிர்த்து துரோலாக், சுங்கை குரூட், தொங் வா, செண்டிரியாங், சுங்கை தோட்டம், பீக்கம் தோட்டப் பள்ளிகளில் நான்கு அல்லது ஐந்து மாணவர்கள்  மட்டுமே பதிவு செய்துள்ளதாக தெரிய வருகிறது.

தஞ்சோங் மாலிம் டான்ஸ்ரீ மாணிக்கவாசகம், சிலிம் ரிவர், சிலிம் வில்லேஜ், சுங்கை, பீடோர், தாப்பா, தாப்பாரோடு போன்ற பட்டணப் பள்ளிகளில் மாணவர் எண்ணிக்கை திருப்தியளிக்கும் வகையில் இருந்தாலும் கடந்த ஆண்டைக் காட்டிலும் சரிவு கண்டுள்ளதாகவே அறிய வருகிறது.

பெரும்பாலான பட்டணப் பள்ளிகளில் பாலர் பள்ளிகள் இருப்பதால் 20 லிருந்து 35, 40 மாணவர்கள் வரை  பதிவு செய்துள்ளனர். இந்திய சமூகத்தினரின் பிறப்பு விகிதம் குறைந்துள்ளதாலும் இன்னமும் ஒரு சிலர் பிறமொழிப் பள்ளிகளில் தங்கள் பிள்ளைகளைப் பதிவு செய்வதாலும் தமிழ்ப் பள்ளிகளில் மாணவர் பதிவு குறைந்து வருகிறது எனலாம்.

பேரா மாநிலத்தில் மொத்தம் 134 தேசிய வகை தமிழ்ப்பள்ளிகள் உள்ளன. அவற்றுள்: பத்தாங் பாடாங் மாவட்டத்தில் 12 தமிழ்ப்பள்ளிகளும் மஞ்சோங் மாவட்டத்தில் 15 தமிழ்ப்பள்ளிகள், கிந்தா (17), கெரியான் (14), கோலகங்சார் (12), ஹிலிர் பேரா (12), லாருட் மாத்தாங், செலாமா (17), உலு பேரா (3), பேரா தெங்கா (3), கம்பார் (6), முவாலிம் (7) மற்றும் பாகான் டத்தோ மாவட்டத்தில் 16 தமிழ்ப்பள்ளிகளும் அடங்கும்.

பின்செல்

தலைப்புச் செய்திகள்

img
போதைப்பொருள் கடத்தல் குற்றங்களுக்காக சிங்கையில் மரண வாசலில் மலேசியர்கள்

தூக்குத் தண்டனையை ரத்துச்செய்ய வேண்டும் என மலேசியாவில் குரல்

மேலும்
img
எம்.ஏ.சி.சி தலைவரின் விவகாரத்தை மூடி மறைக்க வேண்டாம்

டான்ஸ்ரீ அஸாம் பாக்கி மீதான தனது விசாரணையை தொடர்ந்து மலேசிய பங்கு ஆணையம்

மேலும்
img
மலேசிய சர்வதேச கடப்பிதழ்: இணையவழி விண்ணப்பங்கள் ரத்து முகப்பிட சேவை நேரம் நீட்டிப்பு

இணையவழி சந்திப்பு ஏற்பாட்டு முறையை (எஸ்.டி.ஓ.) ரத்து செய்யவிருக்கும்

மேலும்
img
துங்கு ரஸாலி மீது ஒழுங்கு நடவடிக்கையா? பரிசீலிக்கிறது அம்னோ

எதிர்க்கட்சிகளுடன் சேர்ந்து புதிய கூட்டணியை அமைக்க

மேலும்
img
10 லட்சம் பரிசுத் தொகைத் திட்டம் பி.டி.பி.டி.என். அதிர்ஷ்டக் குலுக்கல் திட்டம் ஆரம்பம்

அண்மையில் பி.டி.பி.டி.என். 25ஆம் ஆண்டு அதிர்ஷ்டக் குலுக்கல் Kempen Cabutan Wow 25 Tahun PTPTN என்ற

மேலும்
  • Copyright 2019.Nanban.All rights reserved.
  • powered by img