(எம்.கே.வள்ளுவன்) கூலாய், 

கடந்த ஆண்டு  ஆசிரியர் துறையில் சிறந்த சேவைக்கான விருதுகளை கூலாய்  மாவட்ட அளவில்  வென்ற ஆசிரியர்களில் கூலாய் பெசார் தோட்டத் தமிழ்ப்பள்ளியின் நான்கு ஆசிரியைகளும் அடங்குவர். முறையே ஆர்.தமிழ்ச்செல்வி, கே.தனசுந்தரி, எஸ்.அன்னலெட்சுமி, ஆர்.துர்கா ஆகிய ஆசிரியை கள் இந்த விருதுகளை வென்றனர். 

இவ்வாரம் கொண்டாடப்பட  விருக்கும் ஆசிரியர் தினத்தை முன்னிட்டு  கடந்த  ஆண்டு சேவையாளர்களுக்கு  இவ்விருதுகள் வழங்கப்பட்டன. தங்களை தேர்வு  செய்து சிறப்பித்த கூலாய் மாவட்ட கல்வி இலாகாவிற்கு  நன்றி கூறுவதாக விருது பெற்ற ஆசிரியைகளில் ஒருவரான  தமிழ்ச்செல்வி குறி ப்பிட்டார். சேவை மனப்பான்மையுடன் ஆசிரியர் பணியில் ஈடுபட்டுள்ள ஆசிரியர்களுக்கு ஆக்கமும் ஊக்கமும்  வழங்கிய பள்ளி தலைமையாசிரியை ம.சரஸ்வதி வாணிக்கு இவ்வேளையில்   நன்றி கூறுவதாகவும் ஆர்.தமிழ்ச்செல்வி தெரிவித்தார். 

கூலாய்  பண்டார் புத்ரா  அரங்கில் நடைபெற்ற இந்நிகழ்வில் கூலாய்  மாவட்ட கல்வி இலாகா அதிகாரி இஷாக் பின்  மாஹ்போக்  விருதுகளை வழங்கி ஆசிரியர்களை சிறப்பு செய்தார்.