எஸ்.எஸ்.பரதன்

இங்குள்ள கத்தோலிக்க இடைநிலைப் பள்ளியின் வாரியக் குழுவினர், இப் பள்ளியில் பயிலும் இந்திய மாணவர்களை வேறு பள்ளிகளுக்கு மாற்றிவிட வேண்டும் என மாவட்ட கல்வி இலாகாவுக்கு கோரிக்கை விடுத்திருப்பதாக தகவல்கள் கசிந்துள்ளன. இது பெற்றோர்களிடையே அதிர்ச்சியை ஏற்படுத்தி யுள்ளதாக அறிய வருகிறது.

அரசாங்க பகுதி மானியம் பெற்று வரும் கத்தோலிக்க தேசிய மாதிரி இடைநிலைப் பள்ளியில் சுமார் 470 சீன, இந்திய மாணவர்கள் பயின்று வருகின்றனர். இவர்களுள் சுற்று வட்டாரத்திலுள்ள ஆரம்பத் தமிழ்ப் பள்ளிகளிலிருந்து சுமார் 20 விழுக்காடு இந்திய மாணவர்கள் இங்கு இடை நிலைக் கல்வியைத் தொடருகின்றனர். ஆரம்ப காலங்களில் மிகவும் குறைவான எண்ணிக்கையிலான இந்திய மாணவர்கள் மட்டுமே இப்பள்ளியில் பயின்று வந்தனர்.

Read More: Malaysia nanban Tamil Daily on 24.2.2018