பெட்டாலிங் ஜெயா, 

முக்காடு போடாமல் இருந்த தாக கூறப்படும் பெண்ணை ஓர் ஆடவர் அறையும் வீடியோ காட்சி  சமூக ஊடகங்களில் வைரலாக பரவி உள்ளது.பேருந்து நிறுத்தத்தில் அமர்ந்திருந்த சில பெண்களை நோக்கி அந்த ஆடவர் உரக்க பேசுவது அந்த வீடியோ காட்சியில் இருந்து தெரிகிறது. இந்த சம்பவம் பினாங்கில் நிகழ்ந்ததாக நம்பப்படுகிறது.அந்த ஆடவர் பேருந்து நிறுத்தத்தில் அமர்ந்திருந்த பெண்களில் ஒருவரை அணுகி, அவருடைய சமயத்தைப் பற்றியும் அவர் ஆடை அணிந் துள்ள பாணி பற்றியும் வினவியுள்ளார்.

கருப்பு நிற உடை அணிந்திருந்த அந்த பெண், அந்த ஆடவரை புறக்கணிக்கும் வகையில் தனது கைத் தொலைபேசியில் உரையாட முயன்றபோது  அவரை அந்த ஆடவர் கடுமையாக திட்டினார்.அந்த ஆடவர் திடீரென அவரை கன்னத்தில் அறைந்தார். இருக்கையில் இருந்து எழுந்த அந்த பெண் இதர பெண்க ளுடன் சேர்ந்து அந்த ஆடவரை எதிர்த்தார்.

Read More: Malaysia Nanban news paper on 18.1.2018