கோலாலம்பூர், 

குண்டர் கும்பலின் அராஜகம் காணும் இடமெல்லாம் தற்போது தலைவிரித்து ஆடுகிறது. ‘பாவ்’ (காசு) என்று கூறிக் கொண்டு வணிகர்கள், தொழிலதி பர்கள், கடை உரிமையாளர்கள் என பலரிடம் பணத்தை பறித்து வரும் இவர்களின் செயல், தற்போது அளவுக்கு மீறி ஆலயங்களிலும் பணம் கேட்டு அராஜகம் புரிந்து வரும் நிலைக்கு வந்து விட்டது.

தாமான் ஆயர் பானாசிலுள்ள ஸ்ரீ செமராக் பிபிஆர் குடியிருப்புக்கு அருகில் அமைந்துள்ள ஸ்ரீ பத்ரகாளியம்மன் ஆலயம், ஓம் ஸ்ரீ வால் முனீஸ்வரர் ஆல யம் ஆகிய இரு வழிபாட்டு தலங்களிலும் குண்டர் கும்பலின் அராஜகம் கடந்த ஆண்டு முதல் தலை தூக்கியுள்ளது. அந்த ஆலயத்தின் பூசாரி மற்றும் அவரின் குடும்பத்தினரின் பாதுகாப்பு கருதி இதுவரை 48 போலீஸ் புகார்கள் செய்யப்பட்டுள்ளதாக கூறப்படுகிறது. இருந்தபோதும் இதுவரையில் தகுந்த நடவடிக்கை எடுக்கப்படாத காரணத்தால் நேற்று காலை சம்பந்தப்பட்ட ஆலயத்தின் பூசாரி இளங்கோவன் மாரியப்பன் (வயது 53) சக ஆலய பக்தர்களுடன் புக்கிட் அமானில் மகஜர் வழங்க வந்திருந்தனர்.

Read More: Malaysia Nanban News Paper on 28.12.2017