தைப்பிங், 

குழந்தையைக் கவனமாகப் பார்த்துக்கொள்ளுங்கள். சில காரணங்களால் வீச வேண்டிய சூழ்நிலைக்குத் தள்ளப்பட்டுள் ளேன். ஆனாலும், குழந்தையின் வளர்ச்சியைத் தூரத்தில் இருந்து கவனித்துக்கொண்டு இருப்பேன் எனக் குறிப்பிடப்பட்டிருந்த கடிதத்துடன் ஆண் சிசு கம்போங் குர்னியா ஜெயாவில் உள்ள மோட்டார் பழுதுபார்க்குமிடத்தின் அருகில் இருக்கும் வீட்டின் முன் கண்டெடுக்கப்பட்டது.

இன்னும் பல விஷயங்கள் எழுதப்பட்டிருந்த அந்தக் கடிதத்தையும் தொப்புள் கொடி அறுக்கப்படாத சிசுவையும் வீட்டின் உரிமையாளர் அதிகாலை 2.15 மணியளவில் கண்டெடுத்துள்ளார்.ஆண் சிசு திரைச்சீலையால் சுற்றப்பட்டிருந்ததாகவும் இரண்டு மணிநேரத்திற்கு முன்புதான் பிறந்திருக்கக் கூடும் என்றும் ஆரோக்கியமாக அந்தச் சிசு தைப்பிங் மருத்துவமனைக்குக் கொண்டு செல்லப்பட்டதாகவும் தைப்பிங் காவல்துறை தலைவர் சூப்ரிண்டெண்டன் ரஸ்லாம் அப்துல் ஹமிட் தெரிவித்தார்.