img
img

பத்திரிகையாளர்களுக்கு  எஸ்பிஆர்எம் பாராட்டு 
ஞாயிறு 17 டிசம்பர் 2017 16:25:59

img

(பெருஜி பெருமாள் - படங்கள் ஆர்.குணா)

புத்ராஜெயா,

எஸ்பிஆர்எம் புதிய தலை மையக மண்டபத்தில்  நேற்று முன்தினம் பத்திரிகையாளர் களுக்கான நன்றி பாராட்டு நிகழ்வு நடந்தேறியது. இது ஓர் உற்சாக ஊடக இரவு. 2016ஆம் ஆண்டு ஆகஸ்ட் மாதம் முதல் தேதி முதல் தாம் பொறுப்பேற்றதிலிருந்து ஊழல் தடுப்பு ஆணையத்திற்கு பத்திரிகை தரும் ஆதரவு தம்மை மெய் சிலிர்க்க வைத்துள்ளதாக தலைமை ஆணையர் டான்ஸ்ரீ ஸூல்கிப்ளி தெரிவித்தார். 

ஸ்டார், நன்யாங் சியாங் பாவ், மலேசிய நண்பன் ஆகிய மூன்று பத்திரிகை நிறுவனங்களுக்கு இவர் தமது பிரத்தியேக  நன்றி யினை தெரிவித்துக் கொண்டார். மலேசிய நண்பன் நிர்வாக இயக்குனர் டத்தோ ஷாபி ஜமா னுக்கு சிறப்பு செய்யப் பட்டது. ஊழல் எதிர்ப்பு கருத்துகள்  மக்கள் மனங்களில் விதையாக விதைக்கப்படுகிறது. மக்களின் மனப் போக்கினை மாற்றும் மகா சக்தி பேனாமுனைக்கு உள்ளது. எஸ்பிஆர்எம்மின் மீதிலான மக்களின் நம்பிக்கையினை - நம்பகத்தன்மையினை வலுப் படுத்தக்கூடிய ஆயுதம் எழுத்து.

கையூட்டு வாங்கவும் வேண் டாம் - வழங்கவும் வேண்டாம் என்ற முழக்கத்தை பட்டித்தொட்டிகளில் பரப்புரை  செய்வதற்கும் பறை சாற்றுவதற்கும் ஊடகத் துறை உறுதுணையாக உள்ளது. பத்திரிகைத் துறை மட்டும் பக்க பலமாக இல்லாவிட்டால்  எஸ்பிஆர் எம்மின் செயல்பாடு எல்லாம் எடுபடாமல் போய்விடும். ஆணையத்தின் ஊழல் தடுப்பு நடவடிக்கையின் தாக்கம் எல்லாம் மக்களிடம் சென்று சேராமல் போய்விடும் என்று தலைமை ஆணையர் டான்ஸ்ரீ ஸூல்கிப்ளி எழுச்சிகரமாக எடுத்துரைத்தார். பத்திரிகையாளரின் பங்களிப்பு எங்களுக்கு ஊக்க மருந்து.

நாடும் வீடும் ஊழல் என்று புரையோடிக் கிடக்கும் புற்று நோயிலிருந்து விடுபட வேண்டும். நாடும் எதிர்கால தலைமுறையினரும் ஊழல் மற்றும் அதிகார துஷ்பிரயோக வலையில் சிக்கி சீரழிந்து விடக் கூடாது. ஊழல் எதிர்ப்பு என்பது ஒரு தேசிய விவகாரம். இதனை கையாளுவது எளிதான காரியமல்ல. எனவே அனைத்து தரப்பின் ஆதரவு அத்தியா வசியம். எஸ்பிஆர்எம்மின் ஊழல் எதிர்ப்பு போராட்டத்திற்கு அனைத்து   தரப்பினரும் தொடர்ந்து  பக்கபல மாக இருக்க வேண்டும் என்று டான்ஸ்ரீ  ஸூல்கிப்ளி வேண்டுகோள் விடுத்தார்.

இவ்வாண்டு மே மாதம் 4ஆம் தேதியன்று வட்ட மேஜை விவாத மன்றம் அமைக்கப் பட்டது.  எஸ்பிஆர்எம்மின் ஆணையத்திற் கும் ஊடகத் துறைக்கும் இடையே கருத்து பரிவர்த்தனைக் கான கருத்து களம் இது. ஊழலை படரவிடாதீர். இந்த கொடிய மிருகத்தின் கொட்டம் ஒடுக்கப்பட வேண்டும். பொது நல அறிவிப்பு அடிப்படையில் பல தலைசிறந்த வீடியோ படைப்புகளும் பரிசும் பாராட் டுப் பத்திரமும் வழங்கப்பட் டது. வெற்றியாளர்களுக்கு துணை தலைமை ஆணையர் டத்தோ அஸாம் பாகி சிறப்பு செய்தார். மலேசிய நண்பன் சார்பில் நண்பன் நிர்வாகி பிரகாஷ் மற்றும் ஞாயிறு பதிப்பு ஆசிரியர் கு.ச. ராமசாமியும் கலந்து கொண்டனர். இதர ஊடக பிரதிநிதிகளுக்கும் சான்றிதழ் வழங்கப்பட்டது.

பின்செல்

தலைப்புச் செய்திகள்

img
பிடிபிடிஎன் - சொக்சோவின் இணைய வேலை வாய்ப்பு சந்தை

4 ஆயிரம் பட்டதாரிகளுக்கு வேலை வாய்ப்பு! இணைய வேலை வாய்ப்பு சந்தையின்

மேலும்
img
லாபம் சம்பாதிக்க இது நேரமில்லை!

நாட்டை கோவிட் - 19 நச்சுயிரி நோய் உலுக்கி வரும் வேளையில், குறிப்பிட்ட சில

மேலும்
img
கோவிட்-19 பரவலால் கடன் தொகைத் திரும்பச் செலுத்துவதை ஒத்தி வைப்பதற்கானக் கேள்வி-பதில்

கேள்வி 1: கோவிட்-19 பரவலால் கடன் தொகைத் திரும்பச் செலுத்துவதை ஒத்தி

மேலும்
img
சிகரெட் விற்பனையில் ஈடுபடும் உணவு விநியோகஸ்தரர்கள்

உணவு பொருட்களை மோட்டார் சைக்கிள்களில் விநியோகம் செய்பவர்கள் மீது முழு

மேலும்
img
மதுபானம் அருந்திய 9 பேர் கைது

நடமாட்ட கட்டுப்பாட்டு உத்தரவை மீறி இங்குள்ள ஆற்றோரத்தில் மது அருந்திக்

மேலும்
  • Copyright 2019.Nanban.All rights reserved.
  • powered by img