துர்க்கா / சிரம்பான்,

மோட்டார் சைக்கிளில்  தனியாக  நடமாடிய  ஆசாமி ஒரே இரவில் போலி சாவிகளைப் பயன்படுத்தி 7 கடைகளில் புகுந்து பணத்தைக் கொள்ளையிட்ட சம்பவம் வர்த்தகர்களிடையே  பெரும் பரபரப்பை  ஏற்படுத்தியுள்ளது. நேற்று  அதிகாலை  3  மணிக்கு மேல் 6 மணிக்குள் சிரம்பான், ஜாலான்  யாம் துவான், ஜாலான்  துவாங்கு அசான், ஜாலான்  பண்டார் துங்கால் ஆகிய 100  மீட்டர் சுற்றளவில்  அமைந்துள்ள கடைகளின்  வாசல்  கதவின்  பூட்டுகளை உடைக்காமல்  பணம் கொள்ளையிடப்பட்டதாக போலீஸ்  பேச்சாளர் கூறினார். 

சிரம்பான்  நகர்  மத்தியில் லிட்டில்  இந்தியா என அழைக்கப்படும் இடத்தில்  இருக்கும்  இறைச்சி கடை, ஜவுளி கடை உட்பட  7 கடைகளில்  எந்த வித பதற்றமும் இல்லாமல் முகமூடி அணிந்த நபர் கல்லாவில்  வைக்கப்பட்டிருக்கும்  பணத்தை  மட்டும் எடுத்து செல்வது  சிசிடிவியில்  பதிவாகி உள்ளது என  அவர்  குறிப்பிட்டார். 

Read More: MALYSIA NANBAN NEWS PAPER on 16.12.2017