கோலாலம்பூர், 

சிறையில் உள்ள டத்தோஸ்ரீ அன்வார் இப்ராஹிமை விடுவிப்பது மீது விவாதம் நடத்தக் கோரி பாடாங் செராய் கெஅடிலான் நாடாளுமன்ற உறுப்பினர் என். சுரேந்திரன் கொண்டு வந்த அவசரத் தீர்மானத்தை நாடாளுமன்றம் நிராகரித்தது. அன்வார் வழக்கில் நீதிமன்றம் தீர்ப்பளித்து விட்டதைச் சுட்டிக்காட்டிய மக்களவைத் தலைவர் டான்ஸ்ரீ பண்டிகார் அமின் மூலியா, தீர்மானத்தை நிராகரித்தார். நீதிமன்றத்தில் நியாயமான முறையில் வழக்காடப்பட்டு குற்றவாளி எனத் தீர்மானிக்கப்பட்டு தண்டனை அளிக்கப்பட்டதாகத்தான் நான் காண்கிறேன். 

சட்டப்படியான உத்தரவின்படி தான் அன்வார் சுங்கை பூலோ சிறையில் தடுத்து வைக்கப்பட்டுள்ளார் என பண்டிகார் எழுத்துப்பூர்வ பதிலில் குறிப்பிட்டுள்ளார்.நவம்பர் 6-இல், மனித உரிமைகளுக்கான ஆசியான் நாடாளுமன்ற உறுப்பினர்கள் அமைப்பு, அன்வார் நிபந்தனையின்றி விடுவிக்கப்பட வேண்டும் என கோரிக்கை விடுத்ததை அடுத்து, சுரேந்திரன் இந்த அவசரத் தீர்மானத்தைக் கொண்டு வந்தார்.

Read More: Malaysia Nanban News paper on 29.11.2017