கோலாலம்பூ ர், 

மற்ற நாட்டு நாணயங்களைவிட மலேசிய ரிங்கிட், நல்ல அடைவு நிலையை கண்டிருப்பதாக பெருமைப்பட்டுக்கொள்வதில் என்ன சாதனை வேண்டி யிருக்கிறது என்று பி.ஜே.உத்தாரா  ஜ.செ.க. நாடாளுமன்ற உறுப்பினர் டோனி புவா நேற்று கேள்வி எழுப்பினார். பிரதமர் டத்தோஸ்ரீ நஜீப் துன் ரசாக், பிரதமர்  பொறுப்பை ஏற்ற போது மலேசிய ரிங்கிட்டின் மதிப்பு ஒரு டாலருக்கு ரி.ம.3.58  என்ற நிலையில் இருந்ததாக டோனி புவா நினை வூட்டினார். 

ஆனால் அதே ரிங்கிட்டின் மதிப்பு தற்போது  டாலருக்கு  ரி.ம. 4.24 என்று மலேசிய ரிங்கிட்டின் மதிப்பு சரிவு கண்டுள்ளது. உண்மையைச்   சொல்லப்போ னால்,  2013   ஆம்   ஆண்டு  பொதுத்   தேர்தலிலிருந்து  ரிங்கிட் மதிப்பு ஆண்டுதோறும்   சரிவுகண்டு வந்துள்ளது. 2015 இல் எண்ணெய் விலை இறக்கம் கண்டபோது   ரிங்கிட்டின்   மதிப்பு   அதற்கு   முந்தைய ஐந்தாண்டுகளில் இல்லாத அளவுக்குச் சரிந்தது. 

அப்போது  பிரதமர் டத்தோஸ்ரீ நஜீப்,   ரிங்கிட்டின்   மதிப்பு   மீண்டும்   உயர்வது  திண்ணம்   என்று    உறுதி   கூறினார். ஆனால்,  2015 ஆம் ஆண்டிலி ருந்து 2016 ஆம் ஆண்டு வரை  ரிங்கிட்டின் மதிப்பு தொடர் சரிவுதான்.

Read More: Malysia Nanban Tamil Daly on 27.10.2017