நாட்டில் தாக்குதல்கள் நடத்துவதற்கு திட்டமிட்ட அந்நிய நாட்டைச் சேர்ந்த 45 பயங்கரவாதிகள் கைது செய்யப்பட்டுள்ளனர். அவர்கள் பல்வேறு இடங்களில் போலீசாரால்  வளைத்துப்பிடிக்கப்பட்டனர். இதை உறுதிப்படுத்திய போலீஸ் படைத் தலைவர்  டான்ஸ்ரீ ஃபூஸி  ஹருண், இவர்கள்   வெடி குண்டுகளை இயக்குவதில் திறன் வாய்ந்தவர்கள் ஆவர் என குறிப்பிட்டார்.  நாட்டின் முக்கிய இலக்குகளில் தாக்குதல் நடத்துவதற்கு அவர்கள் திட்டம் கொண்டிருந்தனர்.

கைது செய்யப்பட்டவர்களில்  9  பேர் அபு  சயாப்  (ஏஎஸ்ஜி)  குழுவைச் சேர்ந்தவர்கள், மூவர் பெட்டுல்லா டர்க்கி, ஒருவர்  இஸ்லாமிக்  ஸ்டேட்   தொடர்புடைய   அல்பேனிய பயங்கரவாத அமைப்பு, மற்றொருவர்  ஜமாத்துல் முஜாஹிடீன்  பங்களாதேஷ் அமைப்பு ஆகியவற்றை  சேர்ந்தவர்களாவர். எஞ்சிய 31 பேர் பல்வேறு நாடுகளைச்  சார்ந்தவர்கள் என்பதுடன்  ஐஎஸ் சம்பந்தப்பட்டவர்களாவர். அதில் மூவர் ஈராக்கைச் சேர்ந்தவராவர்.

Read More: Malaysia Nanban News Paper on 14.10.2017