பி.வி. சசி கிள்ளான், மாலையில் வேலை முடிந்து வீடு திரும்பும் வழியில் கனரக லோரியில் மோதி விபத்துக் குள்ளான இந்திய இளைஞர் சம்பவ இடத்திலேயே அகால மரண மடைந்தார். கிள்ளான் பண்டார் புக்கிட் ராஜாவை சேர்ந்த முரளி த/பெ சுந்தர ராஜூ (வயது 32) என அடையாளம் கூறப்பட்ட அவர் நேற்று முன்தினம் மாலை 6.00 மணியளவில் வேலை முடிந்து வீடு திரும்பும் வழியில் போர்ட் கிள்ளான் - ஈப்போ வடக்கு விரைவு சாலை, ஷா ஆலம் செத்தியா ஆலம் பகுதி சாலையில் கனரக லோரியில் மோதி சம்பவ இடத்திலேயே மரணமடைந்ததாக கூறப்படுகிறது. தலைப் பகுதியில் பலத்த காயத்திற்கு இலக்கான அவர் சம்பவ இடத்தில் மரணம் அடைந்ததாக நம்பப்படுகிறது. குடும்பத்தில் இரு பிள்ளைகளில் மூத்தவரான அவருக்கு மனைவியும் மகனும் இருப்பதாக அவரின் குடும்பத்தார் வாயிலாக தகவல் தெரிவிக் கப்பட்டுள்ளது.