பீடோர் பத்தாங் பாடாங், முவாலிம் மாவட்ட ஆரம்பப் பள்ளிகளுக்கிடையிலான ஆங்கிலமொழி கதை சொல்லும் போட்டியில் கத்தையோங் தோட்ட தமிழ்ப் பள்ளி மாணவன் ஜெயதேவ் ராவ் த/பெ ராமராவ் முதல் நிலையில் வெற்றி பெற்று தமிழ்ப் பள்ளிகளுக்கு பெருமை சேர்த்துள்ளார்.ஆங்கிலத்தில் கவிதை ஒப்புவித்தல் போட்டியில் தாப்பா தமிழ்ப்பள்ளியைச் சேர்ந்த கனகதர்ஷினியும் ஹீமாஷினியும் இரண்டாவது நிலையில் வெற்றிப் பெற்றனர். மேடைப் பேச்சுப் போட்டியில் பீடோர் துன் சம்பந்தன் தமிழ்ப்பள்ளி மாணவி நந்தினி இரண்டாவது நிலையில் வெற்றி பெற்றார்.முதல் நிலையில் வெற்றி பெற்ற மாணவர்கள் வரும் ஜூலை 22ஆம் தேதி சனிக்கிழமை மஞ்சோங்கில் நடைபெறவிருக்கும் மாநில அளவிலான ஆங்கில மொழி போட்டிகளில் மாவட்டத்தை பிரதிநிதித்து கலந்துகொள்வர்.