பெட்டாலிங்ஜெயா, மே 12- வாராந்திர அடிப்படையில் எரிபொருள் விலைகளை நிர்ணயிக்கும் நடைமுறை, நாடு முழுவதும் சில்லறை விற்பனையாளர்கள் மீது பெரும் தாக்கத்தை ஏற்படுத்தி இருப்பதால், ஆயிரக் கணக்கான தொழிலாளர்கள் வேலை இழக்கக்கூடும் என மலேசிய பெட்ரோல் வர்த்தகர்கள் சக்கத்தின் (பிடிஏஎம்) தலை வர் கைருல் அனுவார் கூறுகிறார். தங்களுடைய பெட்ரோல் வர்த்தகத்தில் மாதந்தோறும் ஏற்படும் செலவுகளைக் குறைக்க இந்த விற்பனையாளர்கள் எடுக்க வேண்டிய கடுமையான ஆனால் தேவையான நடவடிக்கை இதுவாகும் என்று அவர் தெரிவித்தார். செலவு ஒரு பிரச்சினையாக தொடர்ந்தால், முழு சுய சேவையை நாங்கள் அமல்படுத்த நேரிடும். இதனால் 14,000 பேர் வேலை இழப்பர் என கைருல் கூறியதாக அந்த நாளிதழ் தெரிவித் தது. நாடு தழுவிய நிலையில் 3,500 பெட்ரோல் நிலை யங்கள் உள்ளன. இவற்றில் 50,000 பேர் வேலை செய் கிறார்கள். இவர்களில் 14,000 பேர் வாகனங்களுக்கு எரிபொருள் நிரப்பும் உதவியாளர்களாவர் என்றும் அவர் குறிப்பிட்டார். பெட்ரோல் நிலையங்களில் வேலை செய்வோரில் 21 விழுக்காட்டினர் மட்டுமே அந்நியத் தொழிலாளர்கள் என்பதும் எஞ்சியவர்கள் உள் நாட்டினர் என்பதும் பிடிஏஎம் நாடு தழுவிய நிலையில் நடத்திய ஓர் ஆய்வின் வழி தெரிய வருகிறது. இதனிடையே, மாதாந்திர அடிப்படையில் விலைகளை நிர்ணயிக்கும் நடைமுறை 2014 டிசம்பர் மாதம் அமலுக்கு வந்த தில் இருந்து ஷெல், பெட்ரோன், பெட்ரோனாஸ், பிஎச்பி, கால்டெக்ஸ் போன்ற நிறுவனங் களின் 30 முதல் 40 விழுக்காட்டு வரையிலான பெட்ரோல் நிலையங்கள் நட வடிக்கைகளை நிறுத்திக் கொண்டிருப்பதாக கைருல் குறிப்பிட்டார். இந்த சூழ்நிலை ஏப்ரல் மாதம் முதல் தேதி தொடக்கம் வாராந்திர அடிப்படையிலான விலை நிர் ணயம் அமலுக்கு வந்ததை தொடர்ந்து மேலும் மோச மடைந் திருக்கிறது. இந்தப் போக்கு நீடித் தால் மேலும் பல வர்த்தகர்கள் தங்களுடைய வியாபாரத்தை கைவிடக்கூடும் என நாங்கள் கவலைப்படுகி றோம் என்று கைருல் கூறியதாக தி ஸ்டார் தெரிவித்தது.