பி.கே.ஆர் உடனான தனது அரசியல் தொடர்புகளை பாஸ் கட்சி துண்டித்துக் கொண்டுள்ளது. நேற்று நடைபெற்ற பாஸ் கட்சியின் 63-ஆவது பேராளர் மாநாட்டில் இது சம்பந்தமான தீர்மானத்தை அது நிறைவேற்றியது. கட்சியின் 21 தொகுதிகள், டேவான் உலாமா, பாஸ் இளைஞர் அணி ஆகியன கூட்டாக பரிந்துரைத்த அத்தீர்மானம் அதிகப் பெரும்பான்மையில் ஏகமனதாக அங்கீகரிக்கப்பட்டது. இதை தொடர்ந்து, அனைத்து பி.கே.ஆர். தொகுதிகளிலும் பாஸ் அதன் வேட்பாளரை நிறுத்துவதற்கு அனுமதி கோரி பாஸ் தலைமைத்துவத்தை வலி யுறுத்திய தீர்மானம் ஒன்றும் அக்கூட்டத்தில் நிறைவேற்றப்பட்டது.நாட்டின் 14-ஆவது பொதுத்தேர்தலுக்குள் இரு கட்சிகளுக்கும் இடையே எந்தவித புரிந்துணர்வும் காணப்படவில்லையெனில் இத்தீர்மானம் அனைத்து நிலையிலும் அமல்படுத்தப்படும் எனவும் அறிவிக்கப்பட்டுள்ளது. 2013 பொதுத்தேர்தலில் நாடு முழுவதும் 99 நாடாளுமன்றத் தொகுதிகளிலும், 172 சட்டமன்றத் தொகுதிகளிலும் பி.கே.ஆர் போட்டியிட்டது. சொன்ன சொல்லை காப்பாற்ற வேண்டும் என்ற விசுவாசத்திற்கு இஸ்லாம் மிகப்பெரிய முக்கியத்துவத்தை அளிப்பதாக மலாக்கா பாஸ் டேவான் உலாமா தலைவர் சுல்கிப்ளிஇஸ்மாயில் கூறினார்.