வேகக் கட்டுப்பாட்டை இழந்த மோட்டார் விபத்துக்குள்ளானதில் அதன் ஓட்டுநர் பலத்த காயங்களுக்கு ஆளாகியதுடன் ஸ்தலத்திலேயே உயிரிழந் தார். இச்சம்பவம் நேற்று பிற்பகல் 1.25 மணியளவில் எல்டிபி நெடுஞ்சாலையின் 28ஆவது கிலோ மீட்டரில் நிகழ்ந்துள்ளது.இந்த விபத்தில் சுபாங் ஜெயா இடை நிலைப்பள்ளி மாணவர் முகமட் ஷாரிசால் ஹடா ஷஹாருன் (வயது 15) பலியானார். கட்டுப்பாட்டை இழந்த மோட்டார் சைக்கிள் சாலையின் தடுப்புச் சுவரை மோதியதில் ஓட்டுநருக்கு தலையில் பலத்த காயம் ஏற்பட்டதாக சிலாங்கூர் மாநில போக்குவரத்து விசாரணை பிரிவின் தலைவர் கமாலுடின் முகமட் தெரிவித்தார்.இந்த சம்பவம் தொடர்பில் விசாரணை மேற்கொள்ளப்பட்டு வரு கிறது. பிரேதப் பரிசோதனைக்காக சடலம் செர்டாங் பொது மருத்துவமனைக்கு கொண்டு செல்லப்பட்டுள்ளதாக அவர் சொன்னார்.