பிரபல நடிகர் சிவக்குமார் இறந்து விட்டதாக நேற்று ஒரே பரபரப்பு. சமூக வலைத்தளங்களில் இத்தகவல் பெருமளவு பகிர்வு செய்யப்பட்டது மட்டுமின்றி, மலேசிய நண்பனிலும் தொலைபேசி அலறல் ஓய வில்லை. உண்மையா? என்று அலசி ஆராய்ந்ததில் உண்மை தெரிந்தது. இதுதான் கதை - நகைச்சுவை நடிகர் சூரியின் தந்தை முத்துச்சாமி உடல் நலக்குறைவால் மதுரையில் கால மானார். சூரியின் தந்தையின் மறைவுக்கு தமிழ் திரையுலகினர் ஆழ்ந்த இரங்கலை தெரிவித்துக் கொண்டனர். அவ்வளவுதான். சூரி சூரியாவாக மாறி, சமூக வலைத்தளங்களில் அந்த வதந்தி பூதாகரமாக வெடித்ததுதான் இந்த குளறுபடிக்கு காரணம். நடிகர் சிவக்குமார் நலமாக இருக்கிறார்.