இளம் பெண்ணை கற்பழித்த வழக்கில் உதவி அளவையாளராக பணி புரிந்து வரும் இளைஞருக்கு இங்குள்ள செஷன்ஸ் நீதிமன்றம் 13 ஆண்டு சிறைத் தண்டனையையும் 3 பிரம்படிகளையும் விதித்துள்ளது.செய்த தவறை நீதிமன்றத்தில் ஒப்புக் கொண்டதால் முகமட் யுஹஸ்பிசா சுஹஸ்வான் சுக்ரி (வயது 23) என்பவருக்கு இந்த தண்டனையை நீதிபதி நஸ்ரி இஸ்மாயில் வழங்கினார். கடந்த ஆண்டு ஜூலை மாதம் 4ஆம் தேதி அதிகாலை 2 மணியளவில் கம்போங் குபாங் காவா எனும் இடத்திலுள்ள வீட்டில் 15 வயது இளம் பெண்ணை அவர் கற்பழித்துள்ளார். அப்பெண் அவரின் காதலி என்பது குறிப்பிடத்தக்கது.