ஆடவர் ஒருவருக்கு மரணம் விளைவித்ததாக பகுதி நேர மாடல் அழகிக்கு எதிராக குற்றம் சாட்டப்பட்டுள்ளது. வடக்கு - தெற்கு விரைவு சாலையில் போக்குவரத்து சட்டவிதிகளை மீறும் அபாயகரமாக வாகனமோட்டி ஆடவர் ஒருவருக்கு மரணம் விளைவித்துள்ளார்.1987ஆம் ஆண்டு சாலை போக்கு வரத்து சட்டத்தின் செக்ஷன் 44இன் கீழ் 19 வயது இங் பெய் வென் குற்றம் சாட்டப்படுவார் என்று போலீஸ் பேச்சாளர் தெரிவித்தார். போதை மயக்கத்தில் காரோட்டி மரணம் விளைவித்ததற்காக இன்று வெள்ளிக்கிழமையன்று புக்கிட் மெர்தாஜம் நீதிமன்றத்தில் இவர் குற்றம் சாட்டப்படுவார். குற்றம் நிரூபிக்கப்படுமானால் கூடுதல் பட்சம் 10 ஆண்டு சிறைத்தண்டனையும் 20,000 வெள்ளி அபராதமும் விதிக்கப்படும். குறைந்த பட்சம் 5 ஆண்டுகளுக்கு இங்கின் டிரைவிங் லைசென்ஸ் ரத்தானது.