கோத்தா திங்கி சிம்பாங் செலுயுட்டில் புரோட்டன் பெர்சோனா வாகனம் கட்டுப்பாட்டை இழந்து சாலையை விட்டு 3 மீட்டர் பள்ளத்தில் விழுந்ததில் வாக னத்தில் பயணித்த மூவர் மரணமுற்ற வேளையில் ஒருவர் கடுமையாக காயமடைந்தார். அச்சம்பவத்தில் மாண்டவர்கள் வாகன மோட்டியான நோர் ஹைசாம் பின் ஙாத்தினோ (வயது 34) பயணிகளான முகமட் இஸ்வான் ஙாத்தினோ (வயது 23), முகமட் இன்டெருல் பின் சைன் (வயது 32) என அடை யாளம் காணப்பட்டது. விபத்தில் கடுமையாக காயமடைந்த ஹிஷாமுடின் பின் ஙாத்தினோ சிகிச்சைக்காக மருத்துவமனைக்கு கொண்டு செல்லப்பட்டார். சம்பவம் குறித்து காலை 9.58 மணிக்கு தகவல் பெற்ற கோத்தா திங்கி தீயணைப்பு, மீட்புக் குழுவினர் சம்பவ இடத்திற்கு விரைந்ததோடு வாகனத்தில் சிக்கி மாண்ட வர்களையும் காயமடைந்தவரையும் மீட்டனர். காலை 9 மணிக்கு அந்த விபத்து நிகழ்ந்திருக்கலாம் என நம்பப்படும் வேளையில் பொது மக்கள் அதனைக் கண்டு தகவல் வழங்கியதாக நம்பப் படுகின்றது. அவ்விபத்தில் மாண்ட மூவரில் இருவர் சகோதரர்கள் என்பதோடு காயமடைந்தவரும் மாண்டவர்களின் சகோதரராவார் என்பது குறிப்பிடத் தக்கது.