மெர்சிங்கிலிருந்து பத்து பகாட்டிற்குச் செல்லும் சாலையின் 45ஆவது கிலோ மீட்டரில் நிகழ்ந்த சாலை விபத்தில் மோட்டார் ஓட்டி பலியானார். இச்சம்பவம் நேற்று முன்தினம் மாலை 4 மணியளவில் நிகழ்ந்தது. இவ்விபத்தில் தொழிற்சாலை பணியாளரான ஃபட்லி யுசோப் (வயது 41) உயிரிழந்தார். பிரேதப் பரிசோதனைக்குப் பின்னர் அவரின் உடல் குடும்பத்தினரிடம் ஒப்படைக்கப்பட்டது. மோட்டார் சைக்கிளுடன் விபத்துக்குள்ளான காரில் பயணம் செய்த முகமது அரிப் (வயது 22), முகமது பஹாமி (வயது 20) ஆகியோர் எவ்விதக் காயங்களுமின்றி உயிர் தப்பியதாக போலீஸ் பேச்சாளர் தெரிவித்தார்.