பிரான்ஸ் நாட்டின் பாரீஸ் நகரில் இரு தினங்களுக்கு முன்னர் தேவாலயத்தில் நடந்த துப்பாக்கி சூட்டில் ஈடுப்பட்ட நபர் தீவிரவாதியா என்ற குழப்பம் இன்னும் நீடிக்கிறது. பிரான்ஸ் தலைநகர் பாரீஸில் உலக புகழ்பெற்ற லூவர் அருங்காட்சியகம் அமைந்துள்ளது.இரு தினங்களுக்கு இங்கு வந்த மர்ம நபர் அங்கிருந்த காவலரை கத்தியால் குத்தினான். பின்னர் அவன் அல்லாஹு அக்பர் என கத்தியுள்ளான். இதை பார்த்த அருகிலிருந்த பாதுகாப்பு படையினர் அவனை துப்பாக்கியால் சுட்டனர். மருத்துவமனையில் இருக்கும் அவன் உடல் நிலை தற்போது தேறி வருகிறது. இந்நிலையில் அவன் பெயர் Abdallah El Hamahmy (29) என்றும் அவன் எகிப்திய நாட்டை சேர்ந்தவன் என்பதும் தெரியவந்துள்ளது. மேலும், Abdallah ஐ.எஸ் தீவிரவாதியாக இருக்க அதிக வாய்ப்புள்ளதாக தகவல்கள் வந்துள்ளன. காரணம், இந்த செயலை அவன் செய்யும் முன்னர் தனது டிவிட்டர் பக்கத்தில், அல்லாவின் பெயரால், சிரியா மற்றும் உலகில் உள்ள சகோதரர்களுக்காக என டுவிட் செய்துள்ளான். அடுத்த டீவீட்டில் ISIS என எழுத அவன் டிவிட்டர் பக்கம் சஸ்பெண்ட் செய்யப்பட்டுள்ளது.இதனிடையில் தன் மகன் தீவிரவாதி இல்லை என Abdallahவின் தந்தை Reda El-Hamahmy தெரிவித்துள்ளார்.அவர் கூறுகையில், என் மகன் தொழில் விடயமாக பாரீஸ் வந்தான், அவன் துப்பாக்கி வைத்திருந்தான் என சொன்னால் வேண்டுமானால் அவன் தீவிரவாதி என நம்பலாம், ஆனால் அவனிடம் அது இல்லை. அவன் சாதரண குடும்பத்தை சேர்ந்த ஒரு இளைஞன் என கூறியுள்ளார்.பிரான்ஸ் பொலிசார் இந்த சம்பவம் குறித்து முழுமையான அறிக்கையை வெளியிட்டால் தான் Abdallah பற்றிய சரியான விபரம் தெரிய வரும் என்பது குறிப்பிடத்தக்கது.