தோக்கியோ,

ஜப்பான், தோக்கியோவில் மணிக்கு 360 கி.மீ. வேகத்தில் செல்லும் ‘என்-700’ என்ற புல்லட் ரயிலின் சோதனை ஓட்டம் துவங்கியது.அடுத்த ஆண்டு ஜப்பான் தலைநகர் தோக்கியோவில் ஒலிம்பிக் போட்டி நடைபெற உள்ளது. இதையொட்டி ஜே.ஆர்.சென்ட்ரல் நிறுவனம் 220 கோடி டாலர் செலவில் புதுமையான வடிவமைப்புடன் அதிவேக புல்லட் ரயிலை உருவாக்கியுள்ளது.

இந்த ரயிலின் சோதனை ஓட்டம் மைபரா மற்றும் கியோட்டோ நகரங்களுக்கு இடையே நடைபெற்றது. அடுத்த மாதம் வரை இந்த புல்லட் ரயிலின் சோதனை ஓட்டம் நடைபெறும். அதன் பின் பயணிகள் போக்குவரத்து சேவையில் ஈடுபடுத்தப்படும். அப்போது மணிக்கு 300 கி.மீ. வேகத்தில் ரயில் இயக்கப்படும். இரு வாரங்களுக்கு முன் ஜப்பானில் மணிக்கு 400 கி.மீ. வேகத்தில் செல்லும் ‘ஆல்பா-எக்ஸ்’ புல்லட் ரயிலின் சோதனை ஓட்டம் துவங்கியது. ஜப்பானில் 1964-இல் ஒலிம்பிக் போட்டி நடைபெற்ற போது தான் முதன்முதலாக அதிவேக புல்லட் ரயில் போக்குவரத்து அறிமுகமானது.