பாகான் டத்தோக், ஜன. 10- பேரா மாநிலத்தின் 12-ஆவது மாவட்டமாக பாகான் டத்தோக் நேற்று மேன்மை தங்கிய பேரா சுல்தான், சுல்தான் நஸ்ரின் ஷாவினால் அதிகாரப்பூர்வமாக பிரகடனம் செய்யப்பட்டது. அவரின் துணைவியார் துவாங்கு ஸாரா சலிம் இச்சடங்கில் கலந்து சிறப்பித்தார். துணைப்பிரதமர் டத்தோஸ்ரீ டாக்டர் அகமட் ஜாஹிட் ஹமிடி, மாநில மந்திரி புசார் டத்தோஸ்ரீ டாக்டர் ஜம்ரி, மாநில ஆட்சிக்குழு உறுப்பினர்கள் ஆகியோரும் இதில் கலந்து கொண்ட பிரமுகர்கள் அடங்குவர். பாகான் டத்தோக் அறிவியல் இடைநிலைப் பள்ளியில் நடந்த இந்த வரலாற்றுபூர்வ நிகழ்வில் 10,000-க்கும் மேற்பட்ட சுற்றுவட்டார மக்களும் கலந்து கொண்டனர். இதுவரை பாகான் டத்தோ (Bagan Datoh) என்றிருந்த இம்மாவட்டம் பெயரில் சிறு மாற்றம் செய்யப்பட்டு இனி பாகான் டத்தோக் (Bagan Datuk) என்றழைக்கப்படும். சுமார் 94,969 ஹெக்டர் பரப்பளவைக் கொண்டுள்ள இம்மாவட்டத்தின் மக்கள் தொகை 70,300 ஆகும்.