அபுதாபி,

புஜைரா துறைமுகத்தில் நிறுத்தப்பட்டிருந்த 4 வெளிநாட்டு கப்பல்கள் மீது நாசவேலை தாக்குதல்கள் நடத்தப்பட்டதாக ஐக்கிய அரபு சிற்றரசு தெரி வித்தது. ஐக்கிய அரபு சிற்றரசின் ஓமன் வளைகுடா பகுதியில் ஃபுஜைரா துறைமுகம் அமைந்துள்ளது. அந்நாட்டின் மிகப்பெரிய துறைமுகமான இங்கு, பல்வேறு நாடுகளைச் சேர்ந்த சரக்குக் கப்பல்கள் வந்து செல்கின்றன. 

இந்த துறைமுகத்தில் நிறுத்தப்பட்டிருந்த 4 வெளிநாட்டுக் கப்பல்கள் மீது நேற்று முன்தினம் காலையில் நாசவேலை தாக்குதல்கள் நடத்தப்பட்டதாக ஐக்கிய அரபு சிற்றரசு தெரிவித்தது. ஆனால் தாக்குதல் நடத்தப்பட்ட விதம், தாக்குதலுக்குள்ளான கப்பல்கள் எந்த நாடுகளைச் சேர்ந்தவை போன்ற கூடு தல் தகவல்களை வெளியிடவில்லை.

அதே சமயம் இந்த தாக்குதலில் உயிரிழப்போ அல்லது யாருக்கும் காயமோ ஏற்படவில்லை என தெரிவிக்கப்பட்டது. இந்த நிலையில், புஜைரா துறை முகத்தில் நிறுத்தப்பட்டிருந்த தங்கள் நாட்டின் 2 சரக்குக் கப்பல்கள் மீது தாக்குதல் நடத்தப்பட்டதாகவும் அதில் கப்பல்கள் சேதம் அடைந்ததாகவும் சவூதி அரேபியா நேற்று தெரிவித்தது.