லாகூர், 

இந்திய விமானங்களுக்கு பாகிஸ்தான் வான்வழி பாதையை மீண்டும் திறந்து விடுவது பற்றி பாகிஸ்தான் 15ஆம் தேதி முடிவு செய்கிறது. புல்வாமா தாக்குதலை தொடர்ந்து, கடந்த பிப்ரவரி 26ஆம் தேதி பாகிஸ்தானில் உள்ள பாலகோட் பயங்கரவாத முகாமை இந்திய விமானப்படை விமானங்கள் தாக்கி அழித்தன. 

இந்த சம்பவத்துக்குப் பிறகு, பாகிஸ்தான் தனது வான்வழிப் பாதையை முற்றிலுமாக மூடிவிட்டது. பின்னர், மார்ச் 27ஆம் தேதி, மீண்டும் திறந்தது. இந்த தடை காரணமாக, பாகிஸ்தான் சர்வதேச ஏர்லைன்ஸ் விமானங்களுக்கு பெரும் இழப்பு ஏற்பட்டுள்ளது. இதையடுத்து இந்திய விமானங்களுக்கு பாகிஸ்தான் வான்வழிப் பாதையை மீண்டும் திறந்து விடுவது குறித்து 15ஆம் தேதி முடிவு செய்யப்படும் என்று பாகிஸ்தான் சிவில் விமான போக்கு வரத்து ஆணைய செய்தித்தொடர்பாளர் முஜ்தாபா பைக் தெரிவித்தார். 

அவர் மேலும் கூறுகையில், சம்பந்தப்பட்ட அமைச்சர்களும் அவர்களின் அமைச்சக அதிகாரிகளும் கூட்டத்தில் கலந்துகொள்வார்கள். இந்திய விமானங்க ளுக்கு தடையை நீக்கலாமா? தொடரலாமா? என்பது பற்றி முடிவு எடுக்கப்படும். அதே நாளில் முடிவு அறிவிக்கப்படும் என்றார்.