கொழும்பு, 

சட்டவிரோத முறையில் வெடிகுண்டுகளை வைத்திருக்கும் பொதுமக்கள் அவற்றை அருகிலுள்ள காவல் நிலையத்தில் ஒப்படைக்கும்படி இலங்கை அரசு உத்தரவிட்டு உள்ளது. 

இலங்கையில் கடந்த ஏப்ரல் 21ஆம் தேதி கிறிஸ்துவ ஆலயங்கள் மற்றும் 5 நட்சத்திர ஓட்டல்கள் உள்ளிட்ட 8 இடங்களில் தற்கொலை வெடிகுண்டு தாக்குதல்கள் நடத்தப்பட்டன.  இதில் 253 பேர் உயிரிழந்தனர்.  500 பேர் வரை காயமடைந்தனர்.  அவர்கள் பல்வேறு மருத்துவமனைகளில் சிகிச்சை பெற்று வருகின்றனர். 

இந்த சம்பவத்தில் பலியானவர்களில் 10 இந்தியர்கள் மற்றும் 40 வெளிநாட்டினரும் அடங்குவர்.  தாக்குதல்களுடன் தொடர்புடைய ஆசிரியர், மருத்துவர் உள்பட 106 பேர் கைது செய்யப்பட்டு விசாரணை நடந்து வருகிறது. இதனை தொடர்ந்து வீடுகளில் நடந்த தேடுதல் வேட்டையில் வாள் மற்றும் பிற ஆயு தங்களை போலீசார் கைப்பற்றினர்.  இதில் அரசியல்வாதிகள் உள்ளிட்ட பலர் கைது செய்யப்பட்டனர்.  இந்த நிலையில், இலங்கை அரசு புதிய அறி விப்பினை வெளியிட்டுள்ளது. 

இதன்படி, இலங்கையில் சட்டவிரோத வெடிகுண்டு பொருட்கள் பற்றிய தகவலை மற்றும் அவற்றை வைத்திருக்கும் பொதுமக்கள் அருகிலுள்ள காவல் நிலையத்தில் ஒப்படைக்க இன்று காலை 6 மணியில் இருந்து 3 நாட்கள் அவகாசம் வழங்கப்படுகிறது என அதிகாரிகள் தெரிவித்து உள்ளனர். இது போன்ற வெடிகுண்டுகளை வைத்துள்ள தனிநபர்கள் அருகிலுள்ள காவல் நிலையத்தில்  14ஆம் தேதி (செவ்வாய் கிழமை) காலை 6 மணிக்கு முன் இதுபற்றி போலீசாரிடம் தகவல் தெரிவிக்க வேண்டும் என்றும் உத்தரவிட்டு உள்ளனர்.