சிட்னி, 

ஆஸ்திரேலிய பணத்தில் எழுத்து பிழை ஏற்பட்டதன் காரணமாக அந்நாட்டு ரிசர்வ் வங்கி வருத்தம் தெரிவித்துள்ளது. ஆஸ்திரேலியாவில், முன்னாள் நாடாளுமன்ற பெண் உறுப்பினர் எடித் கோவானை சிறப்பிக்கும் வகையில் கடந்த ஆண்டு அக்டோபர் மாதம், புதிய 50 டாலர் நோட்டுகளை அந்நாட்டு ரிசர்வ் வங்கி வெளியிட்டது. 

இந்த டாலர் நோட்டில் கோவானின் உருவத்தின் பின்னணியில், நாடாளுமன்றத்தில் அவர் ஆற்றிய முதல் உரையின் வரிகள் ஆங்கிலத்தில் இடம்பெ ற்றுள்ளன.  அதில்  ரெஸ்பான்ஸிபிலிட்டி  என்ற வார்த்தை தவறுதலாக  ரெஸ்பான்ஸிபில்டி என்று அச்சிடப்பட்டுள்ளது.  தற்போது சுமார் 46 கோடி, 50 டாலர் நோட்டுகள் நாடு முழுவதும் புழக்கத்தில் உள்ளன. நோட்டு அச்சிடப்பட்டு பல மாதங்களுக்கு பிறகு தற்போது தான் அதில் உள்ள பிழை கண்டுபிடிக்கப்பட்டுள்ளது.