தோக்கியோ, 

ஜப்பான்-வடகொரியா இடையிலான நீண்டகால மோதல் போக்கை முடிவுக்கு கொண்டு வரும் வகையில் வடகொரிய தலைவரை எந்தவித நிபந்த னையும் இன்றி சந்தித்துப் பேச தயாராக இருப்பதாக ஜப்பான் பிரதமர் ஷின்ஜோ அபே தெரிவித்துள்ளார். 

அணு ஆயுத விவகாரம் தொடர்பாக அமெரிக்க அதிபர் டிரம்ப்-வடகொரிய தலைவர் கிம் ஜோங் உன் இடையில் நடந்த 2ஆவது பேச்சுவார்த்தை எதிர்பா ராதவிதமாக தோல்வியில் முடிந்தது. இதனால் கொரிய தீபகற்ப பகுதியில் மீண்டும் பதற்றமான சூழல் உருவாகும் நிலை ஏற்பட்டு இருக்கிறது. 

இந்த சூழலில் வடகொரிய தலைவர் கிம் ஜோங் உன், கடந்த 2 வாரங்களுக்கு முன்பு ரஷ்யா சென்று அந்நாட்டு அதிபர் புதினை சந்தித்து பேசி, கொரிய தீப கற்ப பிரச்சினையில் தனக்கு ஆதரவு கோரினார். இந்த நிலையில், ஜப்பான்-வடகொரிய இடையிலான நீண்டகால மோதல் போக்கை முடிவுக்கு கொண்டு வரும் வகையில் வடகொரிய தலைவர் கிம் ஜோங் உன்னை எந்தவித நிபந்தனையும் இன்றி சந்தித்துப் பேசத் தயாராக இருப்பதாக ஜப்பான் பிரதமர் ஷின்ஜோ அபே தெரிவித்துள்ளார். 

தனியார் பத்திரிகைக்கு அளித்த பேட்டியின் போது இதுபற்றி அவர் கூறுகையில்,  வடகொரிய தலைவர் கிம் ஜோங் உன்னை சந்தித்து திறந்த மனதுடன், வெளிப்படையான பேச்சுவார்த்தை நடத்த விரும்புகிறேன் என்றார். 

மேலும், கிம் ஜோங் உன்னை நேரில் சந்தித்து பேசாமல் ஜப்பான், வடகொரியா இடையே உள்ள பரஸ்பர நம்பிக்கையற்ற தன்மையை நாம் உடைக்க முடி யாது எனவும் அவர் கூறினார். கிம் ஜோங் உன்னை சந்தித்துப் பேச, ஷின் ஜோ அபே விருப்பம் தெரிவித்திருப்பது தொடர்பாக வடகொரியா உடனடியாக எந்தவித கருத்தும் தெரிவிக்கவில்லை.