ஜாகர்த்தா,

இந்தோனேசியா நாட்டின் தலைநகரை ஜாகர்த்தாவில் இருந்து ஜாவா தீவில் உள்ள வேறு இடத்துக்கு மாற்றம் செய்ய தீர்மானிக்கப்பட்டுள்ளது.சுமார் 26 கோடி மக்கள் வாழும் இந்தோனேசிய நாட்டின் தலைநகரான ஜாகர்த்தாவில் மட்டும் சுமார் ஒரு கோடி மக்கள் வசித்து வருகின்றனர். அருகில் உள்ள நகர்ப்புறங்களில் சுமார் 3 கோடி மக்கள் வசிப்பதாக மதிப்பீடுகள் தெரிவிக்கின்றன. 

இந்நிலையில், தற்போதுள்ள பெருநகரங்களில் மக்கள் நெருக்கடியை கட்டுப்படுத்தவும் புதிய நகரங்களை உருவாக்கி மக்களை அங்கு குடியமர்த்தவும் இந்தோனேசிய அரசு தீர்மானித்துள்ளது. இதில் முதல்கட்டமாக இந்தோனேசிய நாட்டின் தலைநகரை ஜாகர்த்தாவில் இருந்து ஜாவா தீவில் உள்ள வேறு இடத்துக்கு மாற்றம் செய்ய தீர்மானித்துள்ளதாக அந்நாட்டின் பிரதான ஊடகங்கள் குறிப்பிட்டுள்ளன.