நியூயார்க், 

ஹாலிவுட் நடிகர் நிக்கோலஸ் கேஜ் திருமணமான நான்கே நாளில் விவாகரத்து கோரியுள்ளார். 

பிரபல ஹாலிவுட் நடிகர் நிக்கோலஸ் கேஜூக்கும் -ஒப்பனை கலைஞர் எரிகா கோய்கேவுக்கும் கடந்த மார்ச் மாதம் 23 ஆம் தேதி திருமணம் நடை பெற்றது. 55 வயதான நிக்கோலஸ்  கேஜூக்கு இது நான்காவது திருமணம் ஆகும். நான்காவது திருமணம் நான்கே நாட்களில் முடிவுற்றது. 

திருமணமான சிலமணி நேரத்தில் லாஸ்வேகாஸில் உள்ள ஹோட்டலொன்றில், புதுமணத்தம்பதிகள் சண்டை போட்டுக்கொண்டதை பலர் பார்த்துள்ள னர். கேஜூம்- எரிகாவும் கடந்த ஆண்டு ஏப்ரல் மாதம் முதல் காதலிப்பதாகக் கூறப்பட்டது. நிக்கோலஸ் கேஜை காதலித்ததால் தன்னுடைய கெரியர் பாதிக்கப்பட்டதாக எரிகா தெரிவித்துள்ளார். மேலும் நிக்கோலஸ் கேஜ் தன் மீது சுமத்தியுள்ள குற்றச்சாட்டுகளால் தனது பெயர் கெட்டு விட்டதாக எரிகா குமுறுகிறார்.