புதன் 21, ஆகஸ்ட் 2019  
img
img

அமெரிக்காவில் சிறுமி பலாத்காரம் இந்தியருக்கு வாழ்நாள் சிறை 
சனி 20 ஏப்ரல் 2019 14:44:40

img

நியூயார்க், 

அமெரிக்க நாட்டில் கலிபோர்னியா மாகாணத்தைச் சேர்ந்தவர் தீபக் தேஷ்பாண்டே (வயது 41). இந்திய வம்சாவளி. இவர் 2017ஆம் ஆண்டு, ஜூலை மாதம் அங்கு ஆர்லண்டோவைச் சேர்ந்த ஒரு சிறுமியுடன் இணையதளம் வழியாக தொடர்பு கொண்டார். தான் ஒரு மாடலிங் ஏஜெண்ட் என்று அறிமுகம் செய்து கொண்டார். அந்த சிறுமியை, தனது நிர்வாண படத்தை அனுப்பி வைக்குமாறு கேட்டார். அந்த சிறுமியும் அனுப்பி வைத்ததாகத் தெரிகிறது. 

அடுத்து, அதே சிறுமியை வேறு இருவரது பெயரில் தொடர்பு கொண்டு, தனக்கு தொடர்ந்து நிர்வாண படங்களை அனுப்பி வைக்காவிட்டால், ஏற்கெனவே பெற்று வைத்துள்ள நிர்வாண படங்களை பரப்பி விடப்போவதாக மிரட்டினார். 

அதே ஆண்டின் செப்டம்பர் மாதம் ஆர்லண்டோவுக்கு சென்ற தேஷ்பாண்டே, அங்கு அந்த சிறுமியை ஒரு ஓட்டலுக்கு வரவழைத்தார். அந்த சிறுமியை ஆபாச படங்கள் எடுத்துள்ளார். அத்துடன் அவளை பலாத்காரமும் செய்தார். அடுத்த ஆண்டு ஏப்ரல் மாதம் வரை அவர் தனது லீலைகளை தொடர்ந்தார். இதன் தொடர்பில் அமெ ரிக்க மத்திய புலனாய்வு படை (எப்.பி.ஐ.) யிடம் புகார் செய்து விட்டனர். 

எப்.பி.ஐ. ஏஜெண்ட் தன்னை ஒரு சிறுமி என சொல்லி, தேஷ்பாண்டேயுடன் ஆன்லைனில் பழகி, அவர் மீதான புகார் உண்மைதான் என கண்டறிந்து கைது செய்தார்.  

இந்த வழக்குகள் கடந்த ஆண்டு அக்டோபர் மாதம் விசாரணைக்கு வந்தன. இப்போது தேஷ்பாண்டே தன் மீதான குற்றச்சாட்டுகளை ஒப்புக்கொண்டார். இதையடுத்து அவரை குற்றவாளி என தீர்மானித்து 30 ஆண்டு சிறைத்த ண்டனை விதித்து மாவட்ட நீதிபதி கார்லோஸ் மெண்டோஜா தீர்ப்பு அளித்தார்.

 

பின்செல்

உலகச் செய்திகள்

img
ஊசி மூலம் தனது உடல் தசையை கிட்டத்தட்ட 2 அடி உயரத்திற்கு உயர்த்திய ஆணழகன்

ஊசி மூலம் தனது மேல் கை தசையை கிட்டத்தட்ட

மேலும்
img
ஆப்கானில் ராணுவ அகாடமியில் குண்டு வெடிப்பு- 6 பேர் உயிரிழப்பு

தலிபான் பயங்கரவாதிகளுடன் அமைதிக்கான

மேலும்
img
அதிபர் முஷாரப் மருத்துவமனையில் அனுமதி 

பாகிஸ்தானின் முன்னாள் ராணுவ ஆட்சியாளர்

மேலும்
img
245 கிராம் எடையுடன் பிறந்த குழந்தை உடல் நலம் தேறியது 

அறுவை சிகிச்சை மூலம் கர்ப்பிணி வயிற்றில்

மேலும்
img
வர்த்தகப் போர் எதிரொலி! அமெரிக்கா செல்லும் சீன பயணிகளின் எண்ணிக்கை சரிவு

கடந்த 2003ஆம் ஆண்டுக்கு பிறகு முதன்முறையாக

மேலும்
  • Copyright 2015.Nanban.All rights reserved.
  • powered by img