பெய்ஜிங், 

சீனாவில் அலுமினியம் ஏற்றிச்சென்ற சரக்கு ரயில் தடம் புரண்ட விபத்தில் 4 பேர் பலியாகினர். சீனாவின் மத்தியில் அமைந்துள்ள ஹெனான் மாநிலத்தில் அலுமினியம் ஏற்றிக் கொண்டு சரக்கு  ரயில் ஒன்று நேற்று முன்தினம் இரவு சென்று கொண்டிருந்தது. கோங்யி நகர் அருகே சரக்கு ரயில் வந்தபோது திடீரென தடம் புரண்டது. இந்த விபத்தில் சிக்கி 6 பேர் மாயமாகினர்.

தகவலறிந்து அங்கு வந்த ரெயில்வே துறையினர் மீட்புப் பணிகளில் ஈடுபட்டனர். அதில் 4 பேரின் உடல்கள் மீட்கப்பட்டன. மேலும் மாயமான இருவரை தேடும் பணி நடந்து வருகிறது.சரக்கு  ரயில் தடம் புரண்டதால அந்த வழியாக செல்லும் ரயில் போக்குவரத்து பாதிப்பு அடைந்தது. இதையடுத்து அந்த வழியாகச் செல்லும் ரயில்கள் ரத்து செய்யப்பட்டன.