டாக்கா, 

வங்கதேசத்தைச் சேர்ந்த பெண் ஒருவர், ஒரு மாத இடைவெளியில் இரட்டை கருப்பை மூலம் மூன்று குழந்தை களைப் பெற்றுள்ளார்.வங்கதேசத்தின் தென்மேற்கு பகுதியில் உள்ள, ஜெசோர் மாவட்டத்தை சேர்ந்தவர் சுமோன் பிஸ்வாஸ். இவரின் மனைவி அரீபா சுல்தானா (20).

கடந்த மாதம் சுல்தானாவுக்கு ஆண் குழந்தை பிறந்தது. பிரசவத்துக்குப் பின் வீடு திரும்பிய சுல்தானா வழக்க மான பணிகளில் ஈடுபட்டார். குழந்தை பிறந்து ஒரு மாதமான நிலையில் மீண்டும் சுல்தானாவுக்கு பிரசவ வலி ஏற்பட்டது.  

இதையடுத்து, தனக்கு ஏற்கெனவே சிகிச்சையளித்த மருத்துவரிடம் அவர் சென்றார். சுல்தானாவை பரிசோதித்த மருத்துவர் மற்றொரு கருப்பையில் இரட்டை குழந்தைகள் இருப்பதை அறிந்தார். உடனடியாக, சுல்தானாவுக்கு அறுவை சிகிச்சை செய்ததில் ஓர் ஆண், பெண் என இரட்டை குழந்தைகள் பிறந்தன.