கொழும்பு, 

இலங்கையில் புலிகள் மீண்டும் வந்து விட்டதாக பூச்சாண்டி காட்டி வடக்கில் நிலை கொள்ள ராணுவம் முயற்சிப்பதாக வடமாகாண முன்னாள் முதலமைச்சர் விக்னேஸ்வரன் தெரிவித்துள்ளார்.தற்போது வடபகுதியில் ஏற்பட்ட வெள்ளத்தின் போது மக்களுக்கு உதவி செய்தார்கள் என்றால் அது அவர்கள் கடமையாகும். 

வெள்ளப் பேரிடரில் பாதிக்கப்பட்ட தமிழ் மக்களுக்கு உதவிகளைச் செய்வதால் இராணுவம் முற்றிலும் மாறிவிட்டது என்று அர்த்தமில்லை.  2013ஆம் ஆண்டிலிருந்து ராணுவத்தை வட பகுதியிலிருந்து வெளியேறச் சொல்லி வருகின்றேன். ஆனால் ராணுவம் மக்களுக்கு உதவுவதுப் போல் கபட நாடகமாடி இங்கே தஞ்சமடைய பார்ப்பதாக விக்னேஸ்வரன் குற்றஞ்சாட்டினார்.