கொழும்பு, ஜூலை.9-

இலங்கையில் பிரபல சிங்களப் பாடகி கொலை செய்யப்பட்ட நிலையில் நேற்று சடலமாக மீட்கப்பட்டார். இந்தக் கொலைச் சம்பவம் தொடர்பில் போலீசார் பல விஷயங்களை கண்டு பிடித்துள்ளனர்.  உயிரிந்த பாடகிக்கும் அவரின் கணவருக்கும் சுமுகமான உறவு இல்லையென போலீசார் தெரிவித்துள்ளனர்.

பாணந்துர அருக்கொட பிரதேசத்திலுள்ள பாடகியின் வீட்டில் நேற்றிரவு 8.45 மணியளவில் குத்திக் கொலை செய்யப்பட்ட நிலையில் அவரது சடலம் மீட்கப்பட்டுள்ளது.  கணவனாலேயே பாடகி கொலை செய்யப் பட்டுள்ளதாக போலீசார் தெரிவிக்கும் அதே வேளையில் அவரது கணவர், அந்தப் பகுதியை விட்டு அவர் தப்பிச் சென்றுவிட்டார்.

கொலையாளியை கைது செய்ய போலீசார் தீவிர தேடுதல் வேட்டையைத் தொடங்கியுள்ளனர். மூன்று பிள்ளைகளின் தாயான பிரியானி ஜயசிங்க, நாட றிந்த என்ற பிரபல பாடகி என்பது குறிப்பிடத்தக்கது.