சீனாவின் பல இடங்களில் நிலச்சரிவுகளால், வீடுகள் இடிந்து விழுந்ததில், 32 பேர் மாயமாகி உள்ளனர். சீனா மற்றும் தைவான் நாட்டை, நேற்று முன் தினம், பெரும் சூறாவளி தாக்கியது. ஷெஜியாங் மாகாணத்தில் கடும் மழை கொட்டியதால், பல கிராமங்கள் வெள்ளத்தில் மூழ்கின; ஆங்காங்கே நிலச்சரிவுகளும் ஏற்பட்டதில், வீடுகள் மண்ணுக்குள் புதைந்தன. இதில், 32 பேர் காணாமல் போனதாக தகவல் வெளியாகியுள்ளது. 15க்கும் அதிகமானோர் உயிருடன் மீட்கப்பட்டுள்ளனர். நிலச்சரிவில் சிக்கியவர்களை, மோப்ப நாய்கள் உதவியுடன் மீட்பு குழுவினர் தீவிரமாக தேடி வருகின்றனர்.