தேர்தல் காலங்களில் மட்டும் எங்களுக்கு பொய் வாக்குறுதிகள் வழங்கி பயன்படுத்திவிட்டு அதன்பின் எங்களை கைவிடும் நிலையில் உள்ள அரசியல்வாதிகளளுக்கு எச்சரிக்கை விடுத்துள்ளனர் மன்னார் மாவட்ட வேலைதேடும் பட்டதாரிகள். வேலை வாய்ப்புக்களைப் பெற்றுக்கொடுப்போம் என்ற வாக்குறுதிகள் என்னவானது? அது தொடர்பாக நீங்கள் எந்த செயல்பாடுகளையும் முடுக்கிவிட்டதாக தெரியவில்லை எனவும் அவர்கள் கவலை தெரிவித்தனர்.

மன்னார் மாவட்டத்தில் உள்ள வேலைதேடும் பட்டதாரிகள் வடக்கு மாகாண வேலைதேடும் பட்டதாரிகள் சங்கத்தின் அழைப்பின் பெயரில் இன்று காலை மன்னார் புனித செபஸ்தியார் ஆலய மண்டபத்தில் பதிவுகளை மேற்கொண்டனர். இதன்போதே அவர்கள் இவ்வாறு தெரிவித்தனர்.