காபூல், ஆப்கானிஸ்தான் தலைநகர் காபூலின் மத்திய பகுதியில் ஈராக் நாட்டு தூதரகம் உள்ளது. வெளிநாட்டு தூதரகங்கள் உட்பட பல முக்கிய அரசு அலு வலகங்கள் உள்ளதால் உச்ச கட்ட பாதுகாப்பு இந்த பகுதியில் இருக்கும். இந்த நிலையில், பாதுகாப்புகளை மீறி ஈராக் தூதரக அலுவலகத்திற்கு வெளியே கார் வெடி குண்டு மூலம் தாக்குதல் நிகழ்த்தப்பட்டுள்ளது. அதிர்ஷ்டவசமாக இந்த தாக்குதலில் யாரும் காயம் அடையவில்லை. இதையடுத்து, துப்பாக்கிகளுடன் புகுந்த மர்ம நபர் ஒருவர் கட்டிடத்திற்குள் புகுந்து துப்பாக்கிச்சூடு நடத்தியுள்ளார். உடனே சுதாரித்துக்கொண்ட பாதுகாப்பு படையினர் பதில் தாக்குதல் நடத்தி வருகின்றனர். இரு தரப்புக்கும் இடையே, துப்பாக்கிச்சண்டை நீடித்து வருவதாக அங்கிருந்து வரும் தகவல்கள் தெரி விக்கின்றன. இந்த தாக்குதலுக்கு தற்போது வரை எந்த இயக்கமும் பொறுப்பேற்கவில்லை. ஆப்கானிஸ்தானில் இது போன்ற தாக்குதல்களை வழக்கமாக தலீபான் மற் றும் ஐ.எஸ் இயக்கங்கள் முன்னெடுத்து வருவது நினைவு கூறத்தக்கது.