முல்லைத்தீவு இலங்கையின் வடக்கு கொக்கிளாய் முகத்துவாரம் எனும் பகுதியில் அமைந்துள்ள சிங்கள மகா வித்தியாலயத்தில் ஒரு குண்டு வெடிப்பு சம்பவம் இடம் பெற்றுள்ளது. பெரும் இடிபோல அதிர்ந்த இச்சம்பவத்தினால் மாணவர்கள் அச்சமடைந்து அங்கும் இங்கும் கலைந்தோடினர். இந்த அதிர்ச்சியில், 6 மாண விகளும் 2 மாணவர்களும் மயக்கமடைந்துள்ளனர். பள்ளி வளாகத்தினுள் உள்ள குப்பை மேடு ஒன்றுக்கு தீ வைத்தபோது அங்கு புதைக்கப்பட்டிருந்த வெடிபொருளே வெடித்திருக்கிறது. ய்த்த காலத்தில் பயன்படுத்தப்பட்டு நிலத்துள் புதைக்கப்பட்டிருக்கும் இந்த வெடிபொருள் வெடித்ததில் உயிரிழப்புக்களோ, இதர சேதங்களோ ஏற்படவில்லை. மயக்க மடைந்த மாணவர்கள் கிளிநொச்சி மாஞ்சோலை வைத்தியசாலையில் சிகிச்சைக்காக அனுமதிக்கப்பட்டுள்ளனர்.