புதன் 23, அக்டோபர் 2019  
img
img

முல்லைத்தீவுக் கடற்பரப்பில் கடற்புலிகள் நடமாட்டம்
திங்கள் 17 ஜூலை 2017 12:05:21

img

கொழும்பு, அண்மைய நாட்களாக இலங்கையில் விடுதலைப் புலிகளின் நகர்வுகள் வெளிப்படத் தொடங்கியிருக்கின்றன. யாழ்ப்பாணத்தில் நடந்த இரு வேறு தாக்கு தல்கள், ரகசிய ஆட்சேர்ப்புப் பணிகள், தமிழகத்தில் செய்யப்படும் அரசியல் நகர்வுகள், புலம் பெயர் நாடுகளில் நிதி திரட்டும் முயற்சிகள் என பல்வேறு நடவடிக்கைகள் இலங்கை அரசை அச்சமடையச் செய்திருக்கின்றன. மேலும், இரு நாட்களுக்கு முன்பாக நோர்வே அரசு பிரபாகரன் உயிருடன் இருப்பது 100 விழுக்காடு உண்மை எனவும், அவருக்கு ஆதரவாக 14 நாடுகள் உள்ளன என்ற தகவலையும் உறுதிப்பட பகிரங்கப்படுத்தியிருந்தது. இந்தியாவின் ரா அமைப்பு விடுதலைப் புலிகளின் நடவடிக்கைகள் தொடர்பில் விழிப் பாக இருக்குமாறு இலங்கை அரசை எச்சரித்தும் இருந்தது. இதனையே இலங்கையின் முன்னாள் அதிபர் மகிந்த ராஜபக்சே மற்றும் முப்படைத் தளபதி கோத்தபாயாவும் கடுமையாக எச்சரித்திருந்தனர். இதனிடையே விடுதலைப் புலிகளின் கடற்படை தளபதி, சூசை போர்முனைகளில் பயன்படுத்திய படகு ஒன்று முல்லைத்தீவுக் கடற்பரப்பை ஊடறுத்துச் சென்றதாக சிங்கள ஊடகம் ஒன்று தகவல் வெளியிட்டுள்ளது. கடற்புலிகளுக்கு சொந்தமான இளம்தாரை என்ற படகு எட்டு வருடங்களுக்குப் பின்னர் தற்போது செயல்பாட்டில் ஈடுபட்டுள்ளதாக சுட்டிக் காட்டப்பட் டுள்ளது. இலங்கை கடற்படையினரின் அனுமதியின்றி 8 வருடங்களுக்கு பின்னர் மீண்டும் முல்லைத்தீவு கடலில் இந்தப் படகு பயணித்துள்ளதாக தெரி விக்கப்படுகிறது. இந்த படகை வைத்தே கடற்களமுனையில் சூசை போருக்கான கட்டளைகளை பிறப்பித்ததாக குறித்த ஊடகம் மேலும் தெரிவித் துள்ளது.

பின்செல்

இலங்கைச் செய்திகள்

img
அதிபர் வேட்பாளர் விரைவில் அறிவிப்பு

எதிர்க்கட்சி நாடாளுமன்ற உறுப்பினர்களின்

மேலும்
img
பதவி விலகப் போவதாக தேர்தல் ஆணைக்குழு தலைவர் எச்சரிக்கை 

முதலில் மாகாண சபைத் தேர்தல்களை நடத்த வேண்டியது

மேலும்
img
அதிபரும் விசாரணைகளுக்காக அழைக்கப்படுவார் 

வரும் நாடாளுமன்றத் தெரிவுக் குழுவில் சாட்சியமளிப்பதற்கு

மேலும்
img
இலங்கை தாக்குதலுக்கு காரணம் ராஜபக்சே தான்- அமைச்சர் பரபரப்பு பேச்சு

இந்த தாக்குதல்களுக்கு கரணம் ராஜபக்சே சகோதரர்கள்

மேலும்
img
இலங்கையில் 4 ஆயிரம் பெண்களுக்கு  கட்டாய கருத்தடை அறுவை சிகிச்சை!

- மருத்துவர் கைது

மேலும்
  • Copyright 2019.Nanban.All rights reserved.
  • powered by img