‘‘கடந்த ஆண்டு நடந்த அமெரிக்க அதிபர் தேர்தலில், ரஷ்யா மட்டுமன்றி வேறு நாடுகளும் சம்பந்தப்பட்டிருக்கலாம்’’ என அதிபர் டொனால்டு ட்ரம்ப் புது கருத்தைத் தெரிவித்துள்ளார். போலந்து நாட்டில் பயணம் மேற்கொண்டுள்ள ட்ரம்ப், “அமெரிக்க அதிபர் தேர்தலில் ரஷ்யா மட்டுமன்றி, மற்ற நாடுகளும் சம்பந்தப்பட்டிருக்கலாம். நான் யாரையும் குறிப்பிட்டுச் சொல்லவில்லை. அதே நேரம், உண்மை என்னவென்று யாருக்கும் உறுதியாகத் தெரியாது” என்றார். ஜி-20 மாநாட்டில் ரஷ்ய அதி பர் விளாடிமிர் புதினைச் சந்திக்க உள்ள நிலையில், இதுபோன்ற கருத்தை ட்ரம்ப் வெளியிட்டுள்ளார்.