நவாஸூதின் சித்திக், ஸ்வேதா திவாரி நடிப்பில் அனுராக் காஷ்யப் தயாரித்துள்ள படம், ‘ஹரம்கோர்’. ஸ்லோக் சர்மா இயக்கியுள்ளார். நியூயார்க்கில் நடந்த படவிழாவில் இதில் சிறப்பாக நடித்ததற்காக நவாஸூதின் சித்திக்கிற்கு சிறந்த நடிகர் விருது கிடைத்தது. இந்நிலையில் இந்தப் படத்துக்கு மத்திய தணிக்கைக் குழு சான்றிதழ் தர மறுத்துள்ளது. ‘இது ஆசிரியருக்கும் மாணவிக்குமான ரொமான்ஸ் பற்றிய படம் இது. படத்தின் கதையே ஆட்சேபத்துக்குரியதாக இருக்கிறது. ஆசிரியருக்கும் மாணவிக்கும் இடையேயான பல வசனங்கள் ஆரோக்கியமற்றதாக உள்ளது. அதனால் தணிக்கை குழு சான்றிதழ் தர மறுத்துள்ளது. இதையடுத்து ரிவைசிங் கமிட்டிக்கு செல்ல முடிவெடுத்திருக்கிறார் அனுராக்’ என்று அவருக்கு நெருக்கமான வட்டாரங்கள் தெரிவித்தன.