கெய்ரோ, விமானத்தில் தனியொரு நபராக உலகை வலம் வரும் முதலாவது இளம் பெண் விமானியாக ஆப்கானிஸ்தானில் பிறந்தவரான ஷாயிஸ்தா வையிஸ் திகழ்கிறார். 29 வயதான அந்தப் பெண் 18 நாடுகளுக்கும் மேலாக உலகை சுற்றி வருகிறார். 25,800 கிலோ மீட்டர் தூரத்தை கடந்து, வரும் ஆகஸ்ட் மாதம் அமெரிக்கா, புளோரிடாவில் தனது பயணத்தை முடிப்பார் என்று எதிர்பார்க்கப்படுகிறது. எகிப்து தலைநகர் கெய்ரோவை வந்தடைந்துள்ள ஷாயிஸ்தா, விமானம் பராமரிப்பு தளத்தில் ( ஹாங்கர்) செய்தியாளர்களிடம் பேசினார். இவர் கடந்த மே மாதம் 13 ஆம் தேதி அமெரிக்கா புளோரிடாவிலிருந்து தனது பயணத்தை தொடங்கினார். ஸ்பெயின், எகிப்து, இந்தியா, சிங்கப்பூர், ஆஸ்திரேலியா, தாய்லாந்து ஆகிய நாடுகளை அவரது பயணம் உள்ளடக்கியுள்ளது. விமானத்தில் உலகை வலம் வரும் முதலாவது இளம் பெண் விமானி என்ற பெருமையை பெறுவதற்காக இவர் தனியொரு நபராக இந்த சாகசப் பய ணத்தை தொடங்கியுள்ளார். ஏ36 ரகத்திலோன பீச்சார்ட் போனான்ஸா என்ற விமானத்தை தனது உலகப்பயணத் திற்கு ஷாயிஸ்தா பயன்படுத்தி வருகிறார். இவர் 30 இடங்களில் விமானத்தை நிறுத்தவிருக்கிறார். ஆப்கானிஸ்தானில் சோவியத் படை போரில் ஈடுபட்டிருந்த காலகட்டத்தில் ஷாயிஸ்தா, ஆப்கானிஸ் தானில் 1987 இல் பிறந்தார். போரின் போது அவரின் குடும்பத்தினர் அகதிகளாக அமெரிக்காவில் குடியேறினர். சிறு வயது முதல் விமானத்தை ஓட்ட மிகுந்த ஆர்வம் கொண்டவராக இவர் திகழ்ந்துள்ளார். வர்த்தக வான் போக்கு வரத்து துறையில் ஒரு விமானியாக லைசென்ஸ் பெற்றவரான ஷாயிஸ்தா, விமானத்துறையில் பட்டம் பெற்றவராகவும் திகழ்கிறார். விமானிகளில் 5 விழுக்காட்டினர் மட்டுமே பெண்களாக இருக்கின்றனர். அதில் ஒருவராக இவர் திகழ்கிறார்.