லண்டன் ஏடிஎம் எந்திரம் நிறுவப்பட்டு 50 ஆண்டுகள் ஆனதையொட்டி லண்டனில் உள்ள உலகின் முதல் ஏடிஎம் இயந்திரம் தங்கத்தால் வேயப்பட்டுள்ளது. ஏடிஎம் எனப்படும் தானியங்கி பணம் தரும் எந்திரம் முதன்முதலில் லண்டன் என்ஃபீல்டில் உள்ள பார்க்ளேஸ் வங்கியில் 1967-ம் ஆண்டு ஜூன் 27-ம் தேதி நிறுவப்பட்டது. பின்னர் உலகம் முழுவதும் பரவி மக்களின் அன்றாட பண தேவைகளை நிறைவேற்றி வருகிறது. ஏடிஎம் அறிமுகமாகி 50-வது ஆண்டு தினத்தை முன்னிட்டு உலகின் முதல் ஏடிஎம் எந்திரம் தங்கத்தால் வேயப்பட்டுள்ளது. தொழில்நுட்ப வளர்ச்சியால் டிஜிடடல் பண பரிவர்த்தனைகள் வந்தாலும் ஏடிஎம் எந்திரங்களுக்கு உள்ள மவுசு இன்றளவும் மக்களிடம் குறையவில்லை. தற்போது உலகம் முழுவதும் 30 லட்சம் ஏடிஎம்கள் செயல்படுகின்றன.